बागमती प्रदेश सरकारले मंगलबार संघीय सरकारबाट सरुवा भई आएका सचिव(सहसचिव) हरुको सरुवा तथा पदस्थापन गरेको छ । प्रदेश सरकारले संघीय सरकारबाट सरुवा भई आएका ३ सचिवको पदस्थापन गरेको हो भने २ सचिवको जिम्मेवारी हेरफेर गरेर सरुवा गरेको हो ।
बिज्ञापन
हेमराज भुसाललाई उद्योग वाणिज्य भूमि तथा प्रशासन मन्त्रालय, युवा तथा खेलकुद मन्त्रालयमा झलकराम अधिकारीलाई र वैकुण्ठ अधिकारीलाई कृषि तथा पशुपन्छी विकास मन्त्रालयको जिम्मेवारी तोक्ने निर्णय गरेको हो ।
बिज्ञापन
सहकारी तथा गरिबी निवारण मन्त्रालयमा प्रदेशसभा सचिवालयमा कार्यरत सचिव पूर्णबहादुर दर्जीलाई जिम्मेवारी दिइएको छ त्यस्तै सामाजिक विकास मन्त्रालयको सचिवमा हाल उद्योग वाणिज्य भूमि तथा प्रशासन मन्त्रालयको कार्यरत सचिव बिनु बज्राचार्यलाई जिम्मेवारी दिइएको सरकारका प्रवक्ता एवम् प्रदेशका आन्तरिक मामिला तथा कानुन मन्त्री सुरुजचन्द्र लामिछानेले बताए ।
उनका अनुसार बैठकले उद्योग मन्त्रालय अन्तर्गत भूउपभोग परिषद् गठन गरी २ जना विशेषज्ञ सदस्य नियुक्त गर्ने निर्णय गरेको छ । जसमा पाल्पाका विष्णुप्रसाद रिमाल र चितवनका हरिप्रसाद सुवेदीलाई नियुक्त गरिएको छ ।
