संघीय संसद्को बजेट अधिवेशन आजबाट शुरु हुँदैछ । हिउँदे अधिवेशन अन्त्य भएको तीन सातापछि नियमित बजेट अधिवेशन शुरू हुन लागेको हो । संसद्को हिउँदे अधिवेशन गत चैत १८ गते अन्त्य भएको थियो ।
बिज्ञापन
आज अपरान्ह १ बजे बोलाइएको बजेट अधिवेशनमा आज प्रधानमन्त्री केपी शर्मा ओलीले सम्बोधन गर्ने तय भएको छ ।यस्का अलवा सभामुख देवराज घिमिरेले राष्ट्रपतिबाट प्राप्त अधिवेशन आह्वान सम्बन्धी पत्रको व्यहोरा पढेर सुनाउने कार्यसूची छ । यस्तै,सभामुखले राष्ट्रपतिको कार्यालयबाट प्राप्त प्रधानमन्त्रीको कार्यभार र मन्त्रिपरिषद् गठन र कार्यभार थप सम्बन्धी पत्रको व्यहोरा पढेर सुनाउने छन् । सभामुख घिमिरेले प्रतिनिधिसभा नियमावली, २०७९ को नियम १० बमोजिम बैठकको अध्यक्षता गर्न सदस्यहरूको मनोनयन गर्ने कार्यसूची छ । बैठकमा अधिवेशन सुरु भएको अवसरमा दलीय आधारमा सदस्यहरूले आ–आफ्नो मन्तव्य राख्ने कार्यसूची रहेको संसद् सचिवालयले जनाएको छ । उपप्रधानमन्त्री तथा अर्थमन्त्री विष्णुप्रसाद पौडेलले ‘वैकल्पिक विकास वित्त परिचालन विधेयक, २०८१’ प्रस्ततु गर्ने कार्यसूची छ ।
बिज्ञापन
यो बजेट अधिवेशनबाट विद्यालय शिक्षा विधेयक र निजामती सेवा विद्येयक टुंग्याउनुपर्ने वाध्यता छ । अहिले संसदका सरकारी र गैरसरकारी गरी ३२ विधेयक विचाराधीन छन् । बजेट अधिवेशनका सुरुवाती तीन दिनमा विचाराधीन विधेयक संसदीय समितिमा पठाउने, समितिबाट पारित भएर आएका विधेयक प्रतिवेदनसहित पारित गर्ने लगायतका सम्भावित कार्यतालिका तयार पारिएको छ ।
सोही अनुसार विद्यालय शिक्षा र निजामती विद्येयकलाई समितिबाट पारित गरेर संसदबाट पास गर्ने तयारी छ । उता,संविधान पछिको दोश्रो कानुन मानिएको संघीय निजामती विद्येयक समितिबाट पास हुने चरणमा छ । समितिले निजामती विधेयकका अधिकांश विषयमा सहमति जुटेको छ । अतिरिक्त सचिव पद ब्युँताउने कि नब्युँताउने र कुलिङ पिरियड कति समय राख्ने भन्ने विषयमा कुरा मिलेको छैन । यी विवादित प्रावधानमा प्रधानमन्त्री केपी शर्मा ओली,प्रतिपक्षी दलका नेता प्रचण्डको सहमति जुटाउने समितिका सदस्यहरुले प्रयास गरिरहेका छन् । समितिले यी विवादित बिषय टुंग्याएर आजै पास गर्ने र बर्खे अधिवेशनमा यो विधेयक पारित गर्ने प्रयासमा रहेको नेताहरू बताउँछन् ।
