अबको तीन साता पछि उमेर हदका कारण अनिवार्य अवकाशमा जान लागेका एक उपसचिव मदिराका कारण बदनाम हुन पुगेका छन् । बारबर्दिया नगरपालिकाका प्रमुख प्रशासकीय अधिकृतका रुपमा कार्यरत दीपक आचार्यलाई प्रहरीले पक्राउ गरेको छ अभद्र व्यवहारको कसुरमा ।
बिज्ञापन
अस्ति मंगलबार कार्यालय समयमै मदिराले मातेर कार्यालयमा आएका उनी मेयर छविलाल थारू र उपमेयर रत्नकुमारी पाण्डेसँग झगडामा उत्रिएका थिए।
बिज्ञापन
मदिराको नशामा उपमेयरका कार्यकक्षमा पुगेका आचार्यले टेबल ठोक्दै धम्की, मेयर र उपमेयरलाई सडकछाप’ बनाइदिने र घर जलाइदिने जस्ता आक्रामक धम्की र अभिव्यक्ति दिएपछि प्रहरीलाई मौखिक उजुरी गरिएको थियो । उजुरी पछि प्रहरीले नियन्त्रणमा लिएर मापसे परीक्षण गराएको र अस्पतालबाट पनि मापसे गरेको पृष्टि भएको जनाएको छ । दिनभर प्रहरी नियन्त्रणमा राखिएको प्रमुख प्रशासकीय अधिकृतलाई लिखित सहमति गरेर जिम्मा जमानतमा छाडिएको थियो ।
तर बारबर्दिया नगरपालिकाबाट बुधवार बेलुका पक्राउ गरी जिल्ला प्रहरी कार्यालय ल्याइएको छ । अभद्र व्यवहार अन्तर्गत मुद्दा चलाउन माग गर्दे मुद्दा दायर गरिएको कारण पक्राउ गरिएको प्रहरीले जनाएको छ ।
बिज्ञापन
आचार्य अवको तीन साता पछि अनिवार्य अवकाशमा जाँदैछन् ।
