बर्दियाको बारबर्दिया नगरपालिकाका प्रमुख प्रशासकीय अधिकृत दिपक आचार्य मदिराले मातेर कार्यालयमा आई झगडा गरेका छन्।
बिज्ञापन
प्रमुख प्रशासकीय अधिकृत आचार्यसहित आर्थिक विकास समितिका संयोजक कृष्ण गौतम र सहायक प्राविधिक पाँचौं तहका कर्मचारी नगेन्द्र भण्डारी मंगलबार मदिरा सेवन गरी कार्यालय आएको नगरका उपमेयर रत्नकुमारी पाण्डेले बताए।
बिज्ञापन
मदिरा सेवन गरे पनि गौतम र भण्डारीले कुनै बदमासी नगरेको उनले बताए। प्रमुख प्रशासकीय अधिकृत आचार्य भने मेयर थारू र उपमेयर रत्नकुमारी पाण्डेसँग झगडामा उत्रिएका थिए।
‘प्रमुख अधिकृत आचार्य मदिराको नशामा मेरो कार्यकक्षमा आएर टेबल ठोक्दै धम्की दिनुभयो, मेयर र मलाई ‘सडकछाप’ बनाइदिने र घर जलाइदिने जस्ता आक्रामक बोलीहरू प्रयोग गरेपछि मैले मेयरलाई बोलाएर प्रहरीमा उजुरी गरेका हौं’ उनले भनिन् ।
बिज्ञापन
उपमेयरले मेयरलाई बोलाइपछि मेयर थारुले तत्काल प्रहरीलाई खबर गरेका थिए ।घटनाको सूचना पाएपछि जयनगर प्रहरी कार्यालयले तीनै जनालाई नियन्त्रणमा लिएर नगर अस्पताल लगी मापसे परीक्षण गराएको र अस्पतालले आचार्यमा मदिरा सेवन गरेको तर गौतम र भण्डारी नशामुक्त रहेको भेटिएको थियो ।उनीमाथि विभागीय कारबाहीका लागि सम्बन्धित निकायमा पत्राचार गरिने बारबर्दिया नगरले जनाएको छ ।
उता आरोपित आचार्यले फेसबुकमा मेयर थारूमाथि ‘पावर टिलर खरिदमा घुसखोरी’को आरोप लगाएका छन् । जसलाई मेयरले ‘निराधार र आवेगमय’ ठहर्याए। मेयरले स्पष्ट पारे अनुसार, नगरले किसानहरूको ५० प्रतिशत सहयोगमा पावर टिलर खरिद गर्न इ-बिडिङ प्रक्रिया अपनाएको हो, जुन आचार्यलाई मन नपरेको हो।
सुर्खेतका आचार्य आगामी वैशाख १४ गते अनिवार्य अवकाशमा जाँदैछन्।
