प्रहरीले पूर्वराजा समर्थकहरुको प्रदर्शनको मूल नेतृत्व गरिरहेका नेताहरुलाई धमाधम पक्राउ गर्न थालेको छ ।हिजोको आन्दोलनमा अमानवीय,अमर्यादित तथा गैरकानुनी आपराधिक गतिविधिमा संलग्न रहेको भेटिए पछि राजावादी समर्थक आन्दोलनकारीहरुलाई प्रहरीले धमाधम पक्राउ गरेको हो । प्रहरीले राजावादी आन्दोलनका कमाण्डरलाई भने घरमै नजरबन्दमा राखेको छ ।
बिज्ञापन
प्रहरीले राप्रपाका अन्य दुई शीर्ष नेतालाई भने ललितपुरको सातदोबाटोबाट शुक्रबार साँझ प्रकाउ गरेको छ । जसअनुसार, राप्रपाका महामन्त्री धवल शमशेर राणा र रविन्द्र मिश्र पक्राउ परेका छन् । उनीहरुलाई ललितपुरको बीएण्डबी अस्पतालमा भर्ना भएका केही घाइतेलाई भेटेर फर्कने क्रममा प्रहरीले नियन्त्रणमा लिएको हो । अहिले टेकुस्थित अपराध अनुसन्धान कार्यालयमा राखिएको छ । यस्तै अधिवक्ता स्वागत नेपाल पनि पक्राउ परेका छन् ।
बिज्ञापन
उता, सोही अभियानका संयोजक नवराज सुवेदीको घरमा भने प्रहरी परिचालन भएको छ । राजसंस्था पुनः स्थापनाका लागी संयुक्त जनआन्दोलन समिति’ का संयोजक नवराज सुवेदीलाई गौरीघाटस्थित घरमै नजरबन्दमा राखिएको छ । प्रहरीका अनुसार,शुक्रबार राति अबेरसम्म पक्राउ पर्ने संख्या ५१ पुगेको छन् ।
यस्तै मेडिकल व्यवसायी दुर्गा प्रसाईँको खोजी भइरहेको प्रहरीले जनाएको छ ।
