गृह मन्त्रालयले ९ जना उपसचिवहरुको सरुवा गरेको छ ।
बिज्ञापन
गृहले ६ लाई सहायक प्रमुख जिल्ला अधिकारी,एक जना कारागार प्रशासक, एक जनालाई प्रमुख अध्यागमन अधिकृतको जिम्मेवारी दिँइदा एक उपसचिव गृहमा फिर्ता बोलाइएका छन् ।
मन्त्रालयले शुक्रवार उनीहरुको सरुवा गरेको हो । जस अनुसार हरिप्रसाद गैरेलाई गुल्मीको सहायक प्रमुख जिल्ला अधिकारी,पोषणराज भण्डारीलाई नवलपरासी सुस्ता पश्चिममा सहायक प्रमुख जिल्ला अधिकारीको रुपमा खटाइएको छ ।
बिज्ञापन
यस्तै,शिवहरि पोखरेललाई सर्लाहीको सहायक प्रमुख जिल्ला अधिकारी,तेज प्रकाश प्रसाईलाई झापा,विश्वराज नेपाललाई जिल्ला प्रशासन कार्यालय सुनसरीको सहायक प्रमुख जिल्ला अधिकारी,गोमादेवी पौडेललाई ओखलढुङ्गाको सहायक प्रमुख जिल्ला अधिकारीको रुपमा खटाइएको छ ।
यस्तै,डोरेन्द्र निरौलालाई अध्यागमन कार्यालय कास्कीबाट गृहमा तानिएको छ । उनको ठाउँमाहरि प्रसाद भुजेललाई पठाइएको छ । यस्तै सुवास पौडेललाई भीमफेदीको कारागार प्रशासकको जिम्मेवारी दिएर खटाइएको छ ।
