भाटभटेनी सुपरमार्केटको समान बोकेको ट्रक प्रहरीले नियन्त्रणमा लिएर राजश्व अनुसन्धान विभागलाई बुझाएको छ ।
बिज्ञापन
भाटभटेनी सुपर मार्केटको सामान ल्याइएको डिब्बामा भन्सार जाँच पास नगराई अवैध रूपमा विद्युतीय सिगरेट फेला परेसँगै त्यसलाई नियन्त्रणमा लिएर राजश्वको जिम्मा लगाइएको सिन्धुपाल्चोक प्रहरीले जनाएको छ ।
बिज्ञापन
ना ६ ख ५४९६ नम्बरको डिब्बा गाडीबाट ९३ डब्बामा ७ सय ४० वटा विद्युतीय सिगरेट (भेप ) बरामद भएको सिन्धुपाल्चोक प्रहरीले पृष्टि गरेको छ ।
भाटभेटनीको सामानहरुको प्रज्ञापन पत्र बनाएर भित्र डिब्बामा ७ सय ४० थान विद्युतीय सिगरेट भेटिएसँगै डिब्बा गाडी नियन्त्रणमा लिइ राजस्व अनुसन्धान विभाग पुल्चोकमा पठाइएको सिन्धुपाल्चोक प्रहरीको भनाई छ ।
बिज्ञापन
बरामद भएको सामाग्रीको अन्दाजी मूल्य २२ लाख २० हजार रहेको छ । केही महिना अगाडिमात्र एमाले पार्टीलाई जग्गा दान दिएर चर्चामा आएका मिनबहादुर गुरूङको समान लिएर आएको ट्रकमा अबैध भेप भेटिएको हो ।
बरामद भएका सामाग्री सहित चालक भोटेकोसी गाउँपालिका २ का प्रवीण खत्री र ट्रक नियन्त्रणमा लिइ राजस्व कार्यालय हरिहर भवनमा पठाइएको छ ।
