लोकसेवा आयोगले खरिदार तहमा ठूलो संख्यामा विज्ञापन खोलेको छ । आयोगले जेष्ठता तथा कार्यसम्पादन मूंल्याकनद्धारा हुने बढूवाद्धारा पूर्ति गर्नुपर्ने राजपत्र अनंकित द्धितीय श्रेणी अप्राविधिक तर्फ न्याय,प्रशासन सेवातर्फ १४ वटा कार्यालयबाट विज्ञापन खोलेको हो । आयोगका १४ कार्यालयबाट ५५९ जना कर्मचारी माग गर्दै बुधबार विज्ञापन खोलेको हो ।सबैभन्दा धेरै जलेश्वर कार्यालयबाट कर्मचारी माग हुँदा सबैभन्दा कम दाङ कार्यालयले माग गरेको छ ।
बिज्ञापन
जस अनुसार धनकुटा कार्यालयबाट ४०,इलाम कार्यालयबाट ३७, लोकसेवा आयोग खोटाङ कार्यालयबाट २९,लोकसेवा आयोग जलेश्वर कार्यालयबाट ९८ जना कर्मचारी माग गरिएको छ ।
यस्तै,लोकसेवा आयोग केन्द्रीय कार्यालय काठमाडौंबाट ६१ कर्मचारी माग हुँदा हेटौंडा कार्यालयबाट ४२,पोखराबाट ३३,बाग्लुङबाट २८,वुटवलबाट ३७ कर्मचारीको लागि भर्ना खुल्दा दाङ कार्यालयले २३,सुर्खेत कार्यालयबाट ३९,जुम्लास्थित कार्यालयबाट २४,दिपायल कार्यालयले ४१ र महेन्द्रनगर कार्यालयले २७ कर्मचारी माग गर्दै विज्ञापन खुलाएको छ ।
