संघीय संसद सचिवालयको आधिकारिक ट्रेड युनियनको चुनावमा एमालेनिकट कर्मचारी संगठनको प्यानलै विजयी भएको छ ।
बिज्ञापन
निर्वाचनमा अध्यक्षमा रेणुका सुवेदी, उपाध्यक्ष प्रविन राई, सचिव पवन महत, सहसचिव अनिषा ढकाल तथा कोषाध्यक्ष सुरज पाण्डे निर्वाचित भएका छन् ।
बिज्ञापन
अध्यक्षमा सुवेदीले ९२ मत ल्याएर निर्वाचित हुँदा सरश्वती रिजालले ४७, अरुणकिशोर शर्माले ३५ र विष्णु खड्काले ३४ मत ल्याएका छन् । २११ मत खस्दा १ मत बदर भएको निर्वाचन मण्डललले जनाएको छ । जहाँ यस्तै उपाध्यक्षमा सुवेदी प्यानलकै प्रविन राई एक सय ११ मत ल्याएर निर्वाचित हुँदा प्रतिस्पर्धी नवीनकुमार सिंहले ५५, जंगबहादुर मगरले ३७ मत प्राप्त गरेका थिए ।
सचिवमा पवन महत निर्वाचित भए । उनले एक सय आठ मत प्राप्त गरेका थिए । सचिवका उम्मेदवारहरू सदन राईले ५२, प्रवल पौडेलले ३१ र विनय चौरेलले १२ मत ल्याए । यस्तै सहसचिवमा अनिशा ढकालले एक सय दुई मत ल्याएर विजयी भइन् । कोषाध्यक्षका उम्मेदवार सुरज पाण्डे एक सय मत ल्याएर विजयी भए । सदस्यमा डल्ले गुरुङ एक सय ४३, सानुकाजी महर्जन एक सय १२, निरज दाहाल एक सय चार, सन्तोषकुमार यादव एक सय २२, ज्योती साह ९९ र सुदाम सुवेदीले एक सय १६ मत ल्याए ।
बिज्ञापन
मतदान अधिकृतका अनुसार, दोस्रो माओवादी पक्षको संगठन हुँदा कांग्रेस निकट संघ तेस्रो हुन पुगेको छ ।
यस अघि नेपाल नागरिक उड्डयन प्राधिकरणको आधिकारिक ट्रेड युनियन निर्वाचनमा नेकपा (माओवादी केन्द्र) निकट नेपाल राष्ट्रिय कर्मचारी सङ्गठनको सिङ्गो टिम निर्वाचित भएको थियो । आधिकारिक ट्रेड युनियनको निर्वाचनमा २२ वटा मतदान केन्द्र अर्थात कार्यालयमा भएको मतदानमा कूल ५०६ मत खस्दा माओवादी निकट कर्मचारी नेता ई सुभाष कोइरालाको नेतृत्वको सङ्गठन विजयी भएको थियो ।
त्यहाँ काँग्रेस दोश्रो हुँदा एमाले निकट कर्मचारी संगठन तेश्रो भएको थियो ।
