भ्रष्टाचार मुद्धामा शाखा अधिकृतसहित ९ जनाले विशेषबाट सफाई पाएका छन् । अख्तियार दुरुपयोग अनुसन्धान आयोगले ६ महिना अगाडिमात्र सप्तरीको तिरहुत गाउँपालिकामा भएको भ्रष्टाचारसम्बन्धी मुद्धामा उँपालिकाका उपाध्यक्ष एवम् योजना अनुगमन समितिको संयोजकसहित तत्कालीन प्रमुख प्रशासकीय अधिकृत,इञ्जिनियर,सब इीञ्जनियर लगायत ९ जनालाई प्रतिवादी बनाएर मुद्धा चलाइएकोमा उनीहरुलाई विशेषले सफाइ दिएको हो ।
बिज्ञापन
आर्थिक वर्ष ०७४/७५ मा गाउँपालिकाको वडा नं १ देखि ५ सम्म सोलार बत्ती खरिद तथा जडान कार्यमा अनियमितता भएको दाबीसहित अख्तियारले मुद्दा चलाएको थियो । सम्झौताबमोजिम काम नभएको, कम काम गरी बढीको प्राविधिक मूल्यांकन गरिएको, त्यसैका आधारमा बढी भुक्तानी गरे गराएको भन्दै गैरकानूनी लाभ लिएको मुद्दामा गाउँपालिका उपाध्यक्षसहित नौ जनालाई विशेषले सफाइ दिएको हो । उनीहरुलाई विशेषका सदस्यहरु तेजनारायण सिंह राई, रामबहादुर थापा र विदुर कोइरालाको इजलासले सफाइ दिइएको हो ।
बिज्ञापन
सफाइ पाउनेमा तिरहुत गाउँपालिकाका उपाध्यक्ष एवम् योजना अनुगमन समितिको संयोजक तीर्थमाया खत्वे र सदस्यहरु दुर्गानन्द यादव र वीरेन्द्र कुमार यादव, तत्कालीन प्रमुख प्रशासकीय अधिकृत रामनारायण साह, इञ्जिनियर उग्रानन्द पाठक र सबइञ्जिनियर जागेश्वर मण्डल रहेका छन् ।
यस्तै, उपभोक्ता समिति अध्यक्ष रवेन्द्र कुमार यादव, सचिव धीरेन्द्र कुमार यादव र कोषाध्यक्ष रेणु कुमारी यादव रहेका छन् । उनीहरुले झन्डै साढे ६ लाख रुपैयाँको भ्रष्टाचार भएको भन्दै उक्त रकम बिगो बनाइ मुद्दा चलाइएको मा सफाइको फैसला भएको हो ।
बिज्ञापन
