निजामती सेवामा राजपत्र अनंकित कर्मचारी संरक्षण अभियान प्रस्तावित संघीय निजामती सेवामा आफ्ना मागको सुनुवाई नभए आन्दोलन गर्ने चेतावनी दिएको छ ।
बिज्ञापन
अभियानले आज एव विज्ञप्ति प्रकाशन गरी राष्ट्रसेवक कर्मचारीहरुका समस्या, चासो, सरोकार र मागलाई वेवास्ता गर्दै ऐन जारी भएमा कर्मचारीको मनोवल कमजोर भई सेवा प्रभावमा प्रभाव पर्नुका साथै कर्मचारीहरुमा चरम निराशा उत्पन्न भई विरोध तथा आन्दोलनको अवस्था सिर्जना हुने जनाएको छ ।
बिज्ञापन
अभियानका संयोजक ध्रुवराज ज्ञवाली र सहसंयोजक सुरज निरौलाद्धारा हस्ताक्षरित विज्ञप्तिमार्फत पेशागत हित, फराकिलो वृत्ति विकास र सेवाका सुरक्षासम्बद्ध विषयहरुलाई समावेश गरी संघीय निजामती सेवा ऐन जारी गर्ने दवाव दिनुपर्ने तथा मागको नजरअन्दाज गर्ने प्रयास भएमा देशभर विरोधका कार्यक्रम समेत गर्नुपर्ने अवस्थालाई मध्येजर गर्दै अभियानलाई थप प्रभावकारी बनाउनका लागि सबै जिल्ला/विभागमा समित गठन गर्न समेत आह्वान गरिएको छ ।
बिज्ञापन
