शुक्रराज ट्रपिकल तथा सरुवा रोग अस्पतालको अध्यक्षमा डा. दीपेन्द्ररमण सिंहलाई नियुक्त गरिएको छ ।
स्वास्थ्य तथा जनसंख्यामन्त्री प्रदीप पौडेलले सोमबार मन्त्रिस्तरीय निर्णय गर्दै डा सिंहलाई अस्पताल विकास समितिको अध्यक्षमा नियुक्त गरेका हुन् ।
बिज्ञापन
डा सिंह स्वास्थ्य मन्त्रालयबाट १२ गते अतिरिक्त सचिवबाट अनिवार्य अवकाश पाएका भएका थिए । अवकाशमा गएको साता दिन पछि नै सिंहले अर्काे नियुक्ति पाएका हुन ।
बिज्ञापन
डा सिंह कोभिड महामारीको समयमा स्वास्थ्य सेवा विभागको महानिर्देशक थिए। उता,शिक्षा तथा मानव स्रोत विकास केन्द्रको महानिर्देशकमा कृष्णप्रसाद काप्रीको सरुवा भएको छ । तत्कालीन महानिर्देशक दीपक शर्मा अनिवार्य अवकाशमा गएपछि महानिर्देशन पद खाली थियो ।
चिकित्सा शिक्षा आयोगको सदस्य सचिवको रूपमा कार्यरत काप्रीको फागुन १२ गते बसेको मन्त्रिपरिषद् बैठकले शिक्षा, विज्ञान तथा प्रविधि मन्त्रालयमा सरुवा गरेको थियो । मन्त्रालयमा सरुवा भएसँगै आइतबार मन्त्रालयले काप्रीलाई केन्द्रको महानिर्देशक बनाउने निर्णय गरेको थियो ।
बिज्ञापन
यसअघि शिक्षा मन्त्रालय अन्तर्गत विद्यालय शिक्षा, योजना र उच्च शिक्षा महाशाखामा बसेर काम गरेका थिए । त्यस्तै परीक्षा नियन्त्रक कार्यालयको परीक्षा नियन्त्रक, शैक्षिक गुणस्तर परीक्षण केन्द्र र पाठ्यक्रम विकास केन्द्रको समेत जिम्मेवारी सम्हालिसकेका छन् ।
