सरकारले ४१ जना सहसचिवको सरुवा गर्दा गृह मन्त्रालयमा ९ जना सहसचिवले इन्ट्री पाएका छन् । सोमबारको मन्त्रिपरिषद्को बैठकले २ सहसचिवलाई गृहबाट बाहिर पठाएको छ ।
सरुवाको सूची अनुसार संघीय मामिला तथा सामान्य प्रशासनको कर्मचारी प्रशासन हेर्दै आएका बलराम रिज्याल गृह भित्रिएका छन् । उनीझै मधेश प्रदेशको श्रम मन्त्रालयबाट सुरेन्द्र पौडेल पनि गृहमा इन्ट्री पाएका पाएका छन् । यस्तै,अख्तियारबाट ईश्वरी अर्याल र नरहरि घिमिरे पनि गृहमा भित्रिएका छन् ।
बिज्ञापन
अख्तियार,कञ्चनपुर कार्यालयबाट माधव पोखरेल पनि गृहमा आएका छन् । मुख्यमन्त्री कार्यालय,कर्णालीबाट आनन्द सारु पनि गृहमै आएका छन् । प्रदेश प्रमुखको कार्यालय,लुम्बिनीबाट बेदप्रसाद खरेल,मुख्यमन्त्री तथा मन्त्रिपरिषद्को कार्यालय गण्डकी प्रदेशबाट कुमान सिङ गुरुङ पनि गृहमै प्रवेश पाएका छन् ।
यस्तै सार्वजनिक खरिद अनुगमनको कार्यालयबाट दिपकराज नेपाल पनि गृहमा प्रवेश पाएका छन् ।
बिज्ञापन
गृहबाट खगेन्द्र रिजाल भने बाहिरिएका छन्,उनलाई अख्तियारमा लगिएको छ । रामबन्धु सुवेदी सार्वजनिक खरिद अनुगमनको कार्यालयतिर पुगेका छन् ।
