न्याय सेवा आयोगले केही सहसचिवको सरुवा,पदस्थापन तथा केही उपसचिवहरुको सरुवा गरेको छ ।
बिज्ञापन
प्रधानन्यायाधीश प्रकाशमानसिंह राउतको अध्यक्षतामा सोमबार बसेको बैठकले एक सहसचिवसहित २ उपसचिवस्तरका कर्मचारीको सरुवा र पाँच जना सहसचिवको पदस्थापन गर्न निर्णय गरेको हो ।
जस अनुसार, सहन्यायाधिवक्ता लक्ष्मण उपाध्याय घिमिरेलाई उच्च सरकारी वकिल कार्यालय जुम्लामा सरुवा गर्ने निर्णय गरेको हो । उपाध्याय उच्च सरकारी वकिल कार्यालय, तुल्सीपुर दरबन्दी भई सत्य निरुपण तथा मेलमिलाप आयोगमा काजमा कार्यरत थिए ।
बिज्ञापन
यस्तै आयोगले यस्तै उच्च सरकारी अदालत तुल्सीपुरको नेपालगन्ज इजलासबाट उपरजिस्ट्रार सरोजनिधि वाग्लेलाई सर्वोच्च अदालतको इजलास अधिकृतको रुपमा र कानुन, न्याय तथा संसदीय मामिला मन्त्रालयका उपसचिव अवधकिशोर प्रसाद कुशवाहा विद्युत विकास विभागमा सरुवा गरेको छ ।
साथैं बैठकले हालैमात्र उपसचिवबाट सहसचिवमा बढुवा नियुक्ति भएकी सपना अधिकारी गौतमलाई उच्च अदालत तुल्सीपुर नेपालगञ्ज इजलाश,उर्मिला जिसी र मानबहादुर बस्नेतलाई कानुन न्याय तथा संसदीय मामिला मन्त्रालयमा पदस्थापन गरेको छ ।
बिज्ञापन
यस्तै लोकसेवाबाट बढुवा भइ सहसचिव बनेकी शारदा राउतलाई उच्च सरकारी वकिलको कार्यालय धनकुटा र युवराज महतलाई उच्च सरकारी वकिलको कार्यालय इलाममा सहन्यायधिवक्ताको रुपमा पदस्थापन गर्ने निर्णय गरेको छ ।
