बिज्ञापन

बिज्ञापन

अख्तियारका अनुसार भ्रष्टाचार मुद्धा चलाइएका कर्मचारीहरुमा प्रमुख प्रशासकीय अधिकृत  रामबहादुर बुढा,इन्जिनियर सरोज दाहाल, सव इन्जिनियर नवीनकुमार बीसी, लेखा अधिकृत दिनेश दाहाल, लेखापाल राज कसेरा र योजना शाखा प्रमुख मदनप्रकाश मल्लसहितका केही वडा अध्यक्षलाई प्रतिवादी बनाएर विशेषमा भ्रष्टाचार मुद्धा चलाएको हो ।

सडक निर्माणमा लागत अनुमानअनुसार काम नगरी नक्कली बिल भरपाई बनाएर रकम हिनामिना गरेको आरोपमा उनीहरूविरुद्ध अख्तियारले विशेष अदालत काठमाडौंमा मुद्दा दायर गरेको हो ।

अख्तियारले गुराँस गाउँपालिका ०६ स्थित भिउचुलादेखि पुलिया सडक निर्माण कार्यमा लागत अनुमान अनुसार काम नगरी नक्कली बिल भरपाई बनाई रकम हिनामिना गरेको भन्दै अख्तियारले उनीहरुलाई मुद्धा दायर गरेको हो ।

अख्तियारले प्रमुख प्रशसकीय अधिकृत बुढासहित, इन्जिनियर सरोज दाहाल, सव इन्जिनियर नविन कुमार वि सी, लेखा अधिकृत दिनेश दाहाल, लेखापाल राज कसेरा र योजना शाखा प्रमुख अधिकृत छैटौँ मदन प्रकाश मल्ललगायतसँग १० लाख २२ हजार ४१३ रुपैयाँ बिगो र सजायको माग गर्दै मुद्दा दायर गरिएको छ ।

यसैगरी, उक्त गाउँपालिकाको वडा नम्बर ६ का वडाध्यक्ष हिमबहादुर वली, उपभोक्ता समितिका अध्यक्ष गगनसिंह खत्री, सचिव गोविन्दबहादुर वली, कोषाध्यक्ष नन्दा राना र ठेकेदार हिक्मत वलीविरुद्ध पनि १० लाख २२ हजार ४१३ रुपैयाँ बिगो कायम गरिएको छ ।
यस्तै री अनुगमन समितिका संयोजक इन्द्रजीत बीसी, सदस्य हस्ता बीसी, सदस्य विजयबहादुर वलीलाई पनि प्रतिवादी कायम गरिएको अख्तियारले जनाएको छ ।