बिज्ञापन

बिज्ञापन

बढुवा सिफारिस समितिको अध्यक्ष तथा लोक सेवा आयोगका अध्यक्ष माधव प्रसाद रेग्मीको अध्यक्षतामा बसेको बैठकले बरिष्ठ सहसचित्रय सहसचिवत्रय बाबुराम अधिकारी, मदन भुजेल र चन्द्रकला पौडेलको नाम सिफारिस गरेको हो ।

सिफारिस गरिएका अधिकारी हाल लुम्बिनी प्रदेश सरकारको कायममुकायम (कामु) सचिवको जिम्मेवारीमा रहेका छन् भने मधेश प्रदेशका कामु सचिव मदन भुजेल र भौतिक पूर्वाधार तथा यातायात मन्त्रालयमा कार्यरत पौडेल सिफारिस भएकी हुन ।

सम्भवतः अब बस्ने मन्त्रिपरिषद् बैठकले तीमध्ये एक जनालाई सचिवमा बढुवा गर्नेछ ।
यस पछि बरिष्ठताका आधारमा सचिव बन्ने लाइनमा रहेका सहसचिवहरुमा शोभाकान्त पौडेल, भुपाल वराल, डण्डुराज घिमिरेहरु पनि सचिव उक्लने लाइनमा छन् । यस्तै शिक्षासेवाका खगेन्द्र प्रसाद सुवेदी, कृष्ण प्र काप्री, वैकुण्ठ प्रसाद अर्याल, इमनारायण श्रेष्ठहरु पनि सचिव बन्ने लाइनका सहसचिवहरु हुन ।

यस्तै राजेन्द्र प्रसाद पौडेल,इन्दु घिमिरे, कमल प्रसाद भट्टराई,श्रीकृष्ण नेपाल,हाल प्रधानमन्त्रीका नीजि सचिव विनोद वहादुर कुँवरका अलवा रूद्रसिंह तामाङ, कालीप्रसाद पराजुली,नारायण प्रसाद भट्ट,उत्तर कुमार खत्री, आभा कर्ण श्रेष्ठ,चक्रवहादुर वुढा र जयनारायण आचार्यहरु सचिव बन्ने पर्खाइमा छन् ।