उर्जा, जलस्रोत तथा सिचाइँ मन्त्री दीपक खड्कामाथि मन्त्रालयमै एक सर्वसाधारणले हातपात गरेको खुलासा भएको छ ।गत शुक्रवार मन्त्रालयबाट निस्कदै गर्दा एक पुरुषले उनलाई आक्रमणको प्रयास गरेको बिषय आज सार्वजनिक भएको छ ।
बिज्ञापन
सभापति शेरबहादुर देउवाले पार्टीबाट सरकारमा सहभागी मन्त्रीहरुलाई आज आफ्नै निवास बूढानीलकण्ठमा बोलाएका थिए । सोही क्रममा उनले आफूमाथि हातपात भएको घटना चुहाएका हुन् । गत शुक्रबार साँझ ६ बजे मन्त्रालयबाट निस्कदैँ गर्दा भर्याङमै ममाथि एक व्यक्तिले हातपात प्रयास गरेको कारण उनले सिंहदरबारको सुरक्षा व्यवस्था अत्यन्तै कमजोर भएको बिषय राखेका थिए । प्रहरीका अनुसार,खड्कामाथि हात गर्ने व्यक्ति हरि पोखरेल हुन । उनी २०७९ को निर्वाचनमा गोरखाबाट गण्डकी प्रदेशबाट प्रदेशसभा निर्वाचनमा स्वतन्त्र उम्मेदवार थिए ।
बिज्ञापन
सरकारमा सहभागी १० मन्त्री,२ राज्यमन्त्रीसहित संसदीय दल कार्य समितिका सदस्यहरुसमेत उपस्थित रहेको बैठकमा उनले अन्य मन्त्रीहरूलाई सचेत रहन आग्रह गरे । मन्त्री खड्कामाथि गोर्खाका युवाले हातपात गरेको बुझिएको छ । सुरक्षाकर्मीले छेकेका कारण मन्त्रीमाथि अप्रिय घटना भने हुन पाएन ।
ती व्यक्तिलाई एक दिन सिंहदरबार प्रहरी वृत्तमा राखेर छाडिएको बुझिएको छ ।
बिज्ञापन
