५२ जना संवैधानिक पदाधिकारीको असवैद्यानिक नियुक्ति सम्बन्धी मुद्धाको पेसी तोकिएको छ । बुधवार प्रधान न्यायाधीश प्रकाशमान सिंह राउतसहित पाँच न्यायाधीशको संवैधानिक इजलासमा पेसी तोकिएको हो । पेसी प्रधानन्यायाधीश प्रकाशमान सिंह राउत, तथा न्यायाधीशहरू सपना प्रधान मल्ल, हरिप्रसाद फुयाँल, मनोज शर्मा र नहकुल सुवेदीको इजलासमा उक्त रिटको पेसी तोकिएको छ ।
बिज्ञापन
५२ जना संवैधानिक पदाधिकारीको नियुक्ति विवाद न्यायाधीश कुमार रेग्मीले हेर्न नमिल्ने भएपछि आज दुईवटा इजलास गठन गरिएको सर्वोच्च प्रशासनले जनाएको छ। रेग्मीका दाजु माधव रेग्मी लोकसेवा आयोगका अध्यक्ष छन् । सोही कारण उनले उक्त मुद्धा हेर्न नमिल्ने भएका कारण इजलाशमा नहकुल सुवेदीलाई राखिएको सर्वाेच्च प्रशासनले जनाएको छ ।
बिज्ञापन
प्रधानमन्त्री केपी शर्मा ओलीले २०७७ सालमा अध्यादेशमार्फत अख्तियार, राष्ट्रिय मानवअधिकार आयोग, निर्वाचन आयोगसहितका ५२ जनाको नियुक्ति बदर गर्न माग गर्दै अधिवक्ता ओमप्रकाश अर्याल, वरिष्ठ अधिवक्ता डा दिनेश त्रिपाठी लगायतले दायर गरेको रिटमा आज पेसी तोकिएको हो । यस अघि २०७८ चैत ९ गते कारण देखाऊ आदेश जारी भएको थियो भने २०७९ असार ८ गतेको आदेशमा सबै मुद्दालाई लगाउमा राख्ने र सबै विपक्षीलाई जानकारी दिने आदेश भएको थियो ।
बिज्ञापन
