प्रतिनिधि सभामा रिक्त रहेको सचिव पद महिना दिन पछि पदपूर्ति प्रक्रिया अगाडि बढेको छ । पूर्व सचिव सुरेश अधिकारीले राजीनामा दिएपछि रिक्त रहेको प्रतिनिधि सभाको सचिव पदमा झापाकै हर्कराज राईलाई नियुक्तिका लागि सिफारिस गरिएको हो । सभामुख देवराज घिमिरेले आइतबार बिहान राष्ट्रपति रामचन्द्र पौडेलसँग भेट गरी संविधानको धारा १०६ बमोजिम सचिव नियुक्ति सम्बन्धीको सिफारिस गरेका हुन् ।

बिज्ञापन

प्रतिनिधिसभाका सचिव सुरेश अधिकारीले २०८१ मंसिर ९ गते राजीनामा दिएका थिए । शिक्षा मन्त्रालयबाट अवकाश पाए पछि १८ असार २०८१ मा अधिकारी प्रतिनिधि सभाको सचिवमा नियुक्त भएका उनले पाँच महिनामै राजीनामा दिएइ पछि रिक्त रहेको स्थानमा झापाकै राईलाई नियुक्ति सिफारिस गरिएको हो ।