पूर्वमन्त्री तथा नेकपा एमालेका सांसद योगेश भट्टराईले कर्मचारीको अवकाशको उमेर हद कर्मचारीको तहका आधारमा गर्न प्रस्ताव राखेका हुन ।
बिज्ञापन
आइतबारबाट प्रतिनिधि सभा अन्तर्गतको राज्यव्यवस्था तथा सुशासन समितिको बैठकमा दफावार छलफल चलिरहेको संघीय निजामती सेवा विद्येयक उपरको छलफलको क्रममा उनले उपसचिव भन्दा माथिल्लो तहका कर्मचारीको उमेर हद ६५ बनाउनुपर्ने र उपसचिवभन्दा तल्ला तहका कर्मचारीको उमेर हद ६२ बर्ष गर्न प्रस्ताव गरेका हुन ।
अहिले निजामती कर्मचारीका उमेर हद ५८ बर्ष रहेको छ । यस्लाई २ बर्ष बढाएर ६० बनाउने बहस भइरहँदा उनले निजामतीको पद अनुसार उमेर हद बनाउन प्रस्ताव गरेका हुन ।
एक सयभन्दा बढी मुलुकमा मुलुकमा अवकाशको उमेर ६५ वर्ष रहेको उल्लेख गर्दै नेपालमा पनि अहिले सरदर आयु बढेको कारण उपसचिवमाथि सहसचिव र सचिवको ६५ वर्ष र उपसचिवभन्दा तलका पदमा ६२ वर्ष उमेर हद कायम गर्न प्रस्ताव राखेका हुन ।
बिज्ञापन
यस्तै भट्टराईले अवकाश लगतै कर्मचारीहरुले कुनै नियुक्ति गर्न नहुने बताए। अर्को निकायमा नियुक्तिमा लागि कम्तिमा दुई बर्षको कुलिङ पिरियड हुनुपर्ने प्रस्ताव गरेका हुन ।
यस्तै भट्टराईले निजामतीको स्लोगन नै परिवर्तन गर्न प्रस्ताव गरेका छन् उनले राजाको काम कहिले जाला घाम भन्ने भनाइ लाई परिवर्तन गरी आफ्नो काम सन्तोषजनक दाम,सेवामा हुने छैन कम स्लोगन बनाउनु पर्ने प्रस्ताव राखे ।
बिज्ञापन
संघीय निजामती सेवा विद्येयकमा १२४ जनाले संशोधन १५८३ वटा विषयमा संशोधन प्रस्ताव हालेका छन् । आइतबारदेखि संशोधनकर्ताहरुसँग छलफल चलिरहेको छ ।
