बिज्ञापन

बिज्ञापन

एक जना अधिकृत शहरी मन्त्रालय मातहत कार्यरत रहँदा सरकारी कामको प्रायोजनका लागि दिएको सेतो नम्बर प्लेटको मोटरसाइकल नै सालोलाई चढ्न दिए । त्यतिमात्र होइन कार्यालयबाट लिएको नयाँ र ब्राण्डेड ल्यापटप समेत आफ्नै श्रीमतीको नाममा खोलिएको कार्यालयमा राखेर रमाना हुँदा ज्वाईको कार्यालयमा प्रयोग नभई पत्रु अबस्थामा रहेको ल्यापटप दिएर उक्त नयाँ ल्यापटपलाई आफ्नो बनाए ।

यस्ता विकृतीहरु धेरै छन्,सरकारी कार्यालय र कर्मचारीका । यी र यस्तै विकृतीमा लगाम लगाउन खोजेको छ अख्तियारले । अख्तियारले सरकारी निकायमा कार्यरत कर्मचारीहरुले सरुवा हुनु अघि आफूले गरेको कामको सबै विवरण बुझाउनु पर्ने भएको छ । आयोग तथा मन्त्रिपरिषद कार्यालयले सबै सरकारी अड्डामा पत्राचार गर्दै कर्मचारीहरुले रमाना लिनु अघि नै सबै विवरण बुझाउनु पर्ने उल्लेख गरेको हो ।

सरुवा हुने कर्मचारीहरुको भागमा परेको कामकारवाही सम्बन्धी कागजात तथा जिन्सी सामग्रीहरु उक्त निकायबाट सरुवा हुनु अगावै बरबुझारथ गर्नुपर्ने व्यवस्था छ । कर्मचारीले उक्त बरबुझारथ नै नगरी रमाना लिई सरुवा भई जाने गरेको प्रवृत्ति देखिएकोले आयोग आक्रोशित बनेको हो ।

सो निर्णय अनुसार आयोगले कार्यविधि २०७८ को दफा २५ को खण्ड (ख) को उपखण्ड (१) को प्रयोजनार्थ सुझाव प्रदान गरेको हो ।