निमित्त प्रमुख प्रशासकीय अधिकृतको जिम्मेवारी पाएको चार महिना पछि नै एक अधिकृतमाथि भ्रष्टाचारको मुद्धा चलेको छ ।
बिज्ञापन
बाराको सिम्रौनगढ नगरपालिकाका निमित्त प्रमुख प्रशासकीय अधिकृत वीरेन्द्र प्रसाद साह कानुमाथि अख्तियारले विशेष अदालतमा भ्रष्टाचार मुद्धा चलाएको हो । गत कार्तिक ८ गते ७८ हजार घुससहित पक्राउ परेका उनीविरुद्ध अख्तियारले विशेषमा मुद्धा चलाइएको हो ।
बिज्ञापन
कानुलाई सेवाग्राहीसँग घुस लिइरहेको अवस्थामा अख्तियारको टोलीले पक्राउ गरेको थियो । बिल भुक्तानी गरेबापत सेवाग्राहीसँग घुस माग गरिरहेको उजुरी आधारमा अख्तियार दुरुपयोग अनुसन्धान आयोग हेटौंडा कार्यालयले उनलाई पक्राउ गरेको हो । हेटौडाबाट खटिएको टोलीले उनलाई ७८ हजार घुससहित पक्राउ गरेको जनाइएको छ ।
अख्तियार दुरुपयोग अनुसन्धान आयोगको टोलीले साहलाई कलैया उपमहानगरपालिका– ४ बाट ७८ हजार रुपैयाँसहित पक्राउ कानुनाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा घुस रकम बराबरकै बिगो रकम दाबीसहित विशेष अदालत, काठमाडौंमा आरोप पत्र दायर गरिएको छ ।
साह गत असार तेस्रो साताबाट सिम्रौनगढको निमित्त प्रमुख प्रशासकीय अधिकृतको जिम्मेवारीमा थिए । मन्त्रालयले नगरपालिकामा कार्यरत वरिष्ठ कर्मचारीमध्ये अधिकृत सातौँ तहका साहलाई प्रमुख प्रशासकीयको जिम्मेवारी दिएको थियो।
