प्रधानमन्त्री केपी शर्मा ओलीलाई डिसेम्बर पहिलो साता चीन भ्रमणको निम्तो आएको छ । भारतबाट निमन्त्रणा नआएपछि प्रधानमन्त्री ओली आगामी १७ मंसिरदेखि उत्तरी छिमेकी मुलुक चीन जाने गरी प्रधानमन्त्री ओलीको भ्रमण मिति तय भएको हो ।
प्रधानमन्त्री बनेपछि भारतको भ्रमण गर्ने परम्परा रहे पनि यस पटक ओलीलाई भारतले महत्व नदिएपछि उनी चीन जाने तयारीमा लागेका हुन्।
बिज्ञापन
प्रधानमन्त्री कार्यालयका एक उच्च अधिकारीका अनुसार १७ देखि २० मंंसिरसम्म मिति तय गरेर चीनले प्रधानमन्त्री ओलीलाई औपचारिक भ्रमणको निमन्त्रणा पठाएको छ ।
बिज्ञापन
चिनियाँ प्रधानमन्त्री ली छ्याङले आगामी २–६ डिसेम्बर मंसिर १७ देखि २१ मा प्रधानमन्त्री ओलीलाई चीन भ्रमणको निम्तो पठाएका हुन् ।
गत ३१ असारमा प्रधानमन्त्री नियुक्त ओलीको यो पहिलो विदेश भ्रमण हो ।
बिज्ञापन
