सरकारले काँग्रेस र एमालेका ३ कार्यकर्ताहरुलाई राजनीतिक नियुक्तिका लागि सिफारिस गरेको छ । राष्ट्रिय सूचना आयोगको प्रमुख आयुक्त पदमा नेपाली काँग्रेस निकटका सुरेश आचार्य र सो आयोगका दुई आयुक्तमा एमाले निकटका दुई पत्रकारलाई राजनीतिक नियुक्तिका लागि सिफारिस गरेको हो ।

बिज्ञापन

नेपाल पत्रकार महासंघका पूर्व सभापति सुरेश आचार्य उक्त आयोगको अध्यक्ष पदमा नियुक्तिका लागि सिफारिस भएका छन ।आचार्य नेपाली कांग्रेसको प्रचार प्रसार विभाग तथा नीति प्रतिष्ठानको सदस्य सचिव भइसकेका छन् ।
यस्तै आयुक्तहरूमा गगन विष्ट र दुर्गा भण्डारीको नाम सिफारिस भएको छ । गगन विष्ट नेकपा एमाले प्रचार विभाग सचिव हुन् । दुर्गा भण्डारी पत्रकार महासंघ पूर्व केन्द्रीय सदस्य तथा प्रेस काउन्सिलको अध्यक्ष नियुक्त भएर अदालतको आदेशबाट पदबहाल हुन पाएकी थिइनन् । भण्डारी एमाले पनि एमाले निकट हुन् ।