आन्तरिक राजश्व विभागले १२ जना कर अधिकृतहरुको सरुवा गरेको छ । हिजोमात्र १७२ जना नायब सुव्वाहरुको सरुवा गरेको विभागले १२ जना शाखा अधिकृतहरुको सरुवा गरेको हो ।
सरुवा भएका अधिकृतहरुमा शाखा अधिकृत,कर अधिकृत र कम्युटर अधिकृतहरु रहेका छन् । जसमा शाखा अधिकृत देवी बहादुर थापालाई करदाता सेवा कार्यालय चन्द्रपुर रौहतटमा पठाइएको छ । यस्तै,राजन कुमार श्रेष्ठलाई आन्तरिक राजश्व कार्यालय सिमरा वारामा कर अधिकृतको जिम्मेवारी दिएर पठाइएको छ ।
सरुवाको सूची अनुसार,शुशिल प्रसाद शर्मा आन्तरिक राजश्व कार्यालय बुटवलमा,जुम्लास्थित कर कार्यालयमा कार्यरत धनसिंह थापा र मनिसा कार्कीलाई आन्तरिक राजश्व कार्यालय कैलालीमा सारिएको छ । प्रमोद दासलाई आन्तरिक राजश्व कार्यालय लहान,सिरहामा खटाइएको छ ।

करदाता सेवा कार्यालयबाट खाँदबारीबाट सुदिप दाहाल आरावि लाजिम्पाटमा आइपुगेका छन् ।