संघीय मामिला तथा सामान्य प्रशासन मन्त्रालयले १०६ अधिकृतहरुको पदस्थापन गरेको छ । जसमध्ये ३ जनालाई अख्तियार दुरुपयोग अनुसन्धान आयोगमा खटाइएको छ भने बाँकी १०३ जनालाई स्थानीय तहमा पठाइएको हो ।
बिज्ञापन
हालैमात्र लोकसेवा आयोगबाट अधिकृत तह उत्र्तिण गरी कर्मचारी प्रशिक्ष्ण तालिम केन्द्रबाट तालिम लिएका अधिकृतहरुको पदस्थापन गरिएको संघीय मामिला तथा सामान्य प्रशासन मन्त्रालयले जनाएको छ ।
बिज्ञापन
३८औं ब्याचमा १०६ शाखा अधिकृतहरुलाई विभिन्न पालिका,जिल्ला समन्वय समिति र अख्तियारमा खटाइएको हो । योग्यताक्रमका आधारमा आधारमा पदस्थापन हुने कार्यालय रोज्न दिने अभ्यास भए पनि सामान्य प्रशासनले चलखेल गरी कर्मचारी पदस्थापन गरेको फ्रेस अधिकृतहरुको आरोप छ ।,
सामान्य प्रशासनको कर्मचारी प्रशासन महाशाखाले उनीहरूलाई काम गर्ने सरकारी निकाय रोजाएकोमा अधिकांशले स्थानीय तह रोजेको मन्त्रालयका प्रवक्ता कालीप्रसाद पराजुली बताउँछन् । उनका अनुसार ३८ औं व्याचका १०६ शाखा अधिकृतमध्ये ३ जना अख्तियार दुरुपयोग अनुसन्धान आयोगमा पोस्टिङ भएका छन् । धेरै गाउँपालिकामा प्रमुख प्रशासकीय अधिकृत रिक्त रहेकोमा नयाँ अधिकृतहरू गाउँपालिकामा प्रमुख प्रशासकीय अधिकृतको जिम्मेवारी दिइएर खटाइएको छ ।
बिज्ञापन
