बिज्ञापन
गृह मन्त्रालयले काठमाडौंसहित पाँच जिल्लाका प्रमुख जिल्ला अधिकारी हेरफेर गरेको छ । काठमाडौंमा सहसचिव जयनारायण आचार्यलाई पठाइएको छ । आचार्य कारागार व्यवस्थापन विभागको महानिर्देशकका रुपमा कार्यरत छन् । काठमाडौंमा कार्यरत सिडिओ जितेन्द्र बस्तेलाई मन्त्रालयमा लगिएको छ । यस्तै प्यूठानका नारायण अर्याललाई गृह मन्त्रालयमा ल्याइएको छ ।
बिज्ञापन
सिन्धुली, सिन्धुपाल्चोक, अर्घाखाँची जिल्ला एक महिनादेखि रिक्त थिए । त्यहाँ कार्यरत सहसचिवहरुमध्ये केहीलाई महावाणिज्यदूत र केही प्रदेशतिर सरुवा भएसँगै रिक्त रहेका यी जिल्लामा सिन्धुपाल्चोकमा किरण थापा, सिन्धुलीमा लिला प्रसाद शर्मा, अर्घाखाँचीमा बाबुराम अर्याल र प्यूठानमा रमा आचार्यलाई सिडिओको जिम्मेवारी दिएर पठाइएको छ ।
त्यस्तै, अर्थ मन्त्रालयबाट सरुवा भएर आएका सहसचिव टोकराज पाण्डेलाई मन्त्रालयको नीति योजना महाशाखामा खटाइएको छ ।
बिज्ञापन
गृहले अवधि पुगेका,माओवादी निकट प्रशासकहरु प्रमुख जिल्ला अधिकारी रहेका जिल्लाको सिडिओ समेत सरुवा गर्ने तयारी गरिरहेको छ।
