सरकारले गृह सचिव एकनारायण अर्याललाई मुख्य सचिव बनाउने तयारी गरेको छ ।
बिज्ञापन
मुख्यसचिव लीलादेवी गड्तौलाको कार्यकाल १४ भदौ अर्थात् भोलि सकिने भएकाले सरकार नयाँ मुख्यसचिवको नियुक्तिको तयारीमा जुटेको हो ।
बिज्ञापन
नेपालको प्रशासनिक इतिहासमा रेकर्ड ब्रेक गरेर पहिलो महिला मुख्य सचिव बन्न सफल लीलादेवी गड्तौला भोलिदेखि अनिवार्य अवकाशमा जाँदैछिन् । गत असार ९ गते बैकुण्ठ अर्याललाई अख्तियार दुरुपयोग अनुसन्धान आयोगले मुद्दा दायर गरेपछि मुख्य सचिव पद रिक्त थियो । असार १० गतेदेखी प्रधानमन्त्री कार्यालयको बरिष्ठ सचिवको रुपमा गड्तौताले निमित्त मुख्य सचिवको जिम्मेवारी समाल्दै आएकी थिइन । भ्रष्टाचारको अभियोगमा मुद्दा दायर भएपछि निलम्बित मुख्यसचिव बैकुण्ठ अर्यालको ठाउँमा लीलादेवी गड्तौलालाई क्रमशः निमित्त, कामु बनाउँदै दुई महिनाका लागि मुख्यसचिव बनाइएपछि यसबारेको निजामतीमा राम्रै चर्चा सुनिएको थियो ।
लीलादेवी घर फर्किए पछि उक्त कुर्सीमा २७ औं मुख्य सचिवका रुपमा एकनारायण अर्याल पुग्ने भएका हुन । मुख्य सचिव हुने रोलक्रममा पाँच जना सचिव दाबेदार देखिएका छन् । ती पाँच सचिवमध्ये प्रधानमन्त्री ओलीको रोजाइमा परेका सचिव मुख्यसचिव हुनेछन् । अहिले मुख्यसचिवका लागि सचिव तोयनारायण ज्ञवाली, रामकृष्ण सुवेदी र दिनेश भट्टराई पहिलो लाइनमा छन् । ज्ञवाली राष्ट्रिय योजना आयोग, सुवेदी सार्वजनिक खरिद अनुगमन कार्यालयको सचिव र भट्टराई महिला बालबालिका तथा ज्येष्ठ नागरिक मन्त्रालयको सचिव छन् । यस्तै गृहसचिव एकनारायण अर्याल र अर्जुन पोखरेल प्रतिष्पर्धामा छन् । यी पाँच मध्येबाट अर्याल मुख्यसचिव बन्ने भएका हुन ।
प्रधानमन्त्री कार्यालय निकट स्रोतका अनुसार, आजको क्याविनेट बैठकले अर्याललाई निमित्त मुख्य सचिवको जिम्मेवारी दिँदै मुख्य सचिव बनाउन लागेको हो।
बिज्ञापन
