काठमाडौं उपत्याकाका तीन जिल्ला काठमाडौं,ललितपुर,भक्तपुरमध्ये कार्यसम्पादनमा ललितपुरको प्रमुख जिल्ला अधिकारी अब्बल देखिएका छन् । गृह मन्त्रालयले देशैभरका ७७ जिल्लाका प्रमुख जिल्ला अधिकारीहरुको कार्यसम्पादन रिर्पोट केलाउँदा उपत्यकामा तीन जिल्लामध्ये ललितपुरको प्रमुख जिल्ला अधिकारीको कार्यसम्पादन राम्रो देखिएको हो ।
बिज्ञापन
गृहले तयार पारेको प्रतिवेदन अनुसार,ललितपुर १२ औं स्थानमा छ भने भक्तपुर २१ औं र काठमाडौै पनि २१ औं स्थानमा रहेको प्रतिवेदनमा सार्वजनिक गरिएको छ । ललितपुरले ९६ दशमलव १२५ अंक हासिल गरेको छ । ललितपुरको प्रमुख जिल्ला अधिकारीको भूमिकामा अहिले तुलसीबहादुर श्रेष्ठ कार्यरत रहेका छन् ।
यस्तै,काठमाडौं र भक्तपुर जिल्लाको प्रमुख जिल्ला अधिकारीहरुले २१ औं स्थानमा छन् । भक्तपुरको प्रमुख जिल्ला अधिकारीले कार्यसम्पादनमा ९४ दशमलव ६८ अंक पाउँदा काठमाडौंले ९४ दशमलव ५६ अंक पाएको गृहले जनाएको छ ।
भक्तपुरको प्रमुख जिल्ला अधिकारीमा रोशनी कुमार श्रेष्ठ कार्यरत छिन् । उनी २०८० आश्विन ४ देखि भक्तपुर जिल्ला प्रशासन कमाण्ड गरिरहेकी छिन । यस्तै काठमाडौंको प्रमुख जिल्ला अधिकारी जितेन्द्र बस्नेत छन्, उनी ०८० असार २१ देखि काठमाडौंको प्रमुख जिल्ला अधिकारीको कुर्सीमा छन् ।
बिज्ञापन
गृहको रिर्पोट कार्ड अनुसार,सबैभन्दा अब्बल रुपन्देही जिल्ला प्रशासन देखिएको छ । यस्तै कार्यसम्पादनमा उत्कृष्ट १० जिल्लामा पाल्पा,बागलुङ,पश्चिम रुकुम, मकवानपुर, पर्वत जिल्ला रहेका छन् । यस्तै गुल्मी प्रशासन,तेह्रथुम,रोल्पा,सोलुखुम्बु र डडेलधुरा जिल्ला प्रशासन टप टेनभित्र पर्न सफल भएका छन् ।
गृहको रिर्पोटकार्ड अनुसार,पाल्पा जिल्ला प्रशासनले ९७ दशमलव ७५ अंक ल्याएको छ भने बागलुङले ९७ दशमलव ६२, पश्चिम रुकुम जिल्ला प्रशासन कार्यालयले क्रमशः ९७ दशमलव ५ ल्याएको । यस्तै मकवानपुर जिल्ला प्रशासन र पर्वत जिल्ला प्रशासनले समान ९७ दशमलव ३७ अंक ल्याएका छन् । यस्तै गुल्मी जिल्ला प्रशासनले ९७ अंक ल्याउँदा तेह्रथुमले ९७ दशमलव ८७,रोल्पालेर ९७ दशमलव ७५, सोलुखुम्बु ९६ दशमलव ५८ र डडेलधुरा जिल्ला प्रशासन ९६ दशमलव ४३ अंक ल्याएका छन् । कार्यसम्पादन मूल्याकंनको रिर्पोट कार्ड अनुसार पुच्छरमा धनुषा जिल्ला प्रशासन रहेको छ । धनुषा जिल्ला प्रशासनले ७६ दशमलव २५ अंक ल्याएको छ ।
बिज्ञापन
गृहले हरेक बर्ष मन्त्रालय र प्रमुख जिल्ला अधिकारीहरुबीच कार्यसम्पादन सम्झौता गर्दै आएको छ । उक्त सम्झौताका आधारमा विभिन्न परिसूचकहरूलाई मुल्यांकनलाई आधार मानी प्रत्येक बर्ष कार्यसम्पादन मुल्यांकनको प्रतिवेदन तयार गर्दै आएको छ ।
