अनिवार्य अवकाशमा जानु चार महिना अगाडि नै सचिव तोयानाथ अधिकारीले राजीनामा दिएका छन् । निजामती किताबखानाका अनुसार अधिकारी आगामी २८ मंसिरमा ५८ वर्षीय उमेर हद लागेर अनिवार्य अवकाश पाउदै थिए तर अवकाश हुनु चार महिना अगावै उनले राजीनामा दिएका हुन् ।
बिज्ञापन
नेपाल कानुन आयोगको सचिवको रुपमा कार्यरत अधिकारीले दिएको राजीनामा आइतबारदेखि लागू हुने गरी अस्तिको मन्त्रिपरिषद्को बैठकले स्वीकृति गरेको छ ।
बिज्ञापन
२०७७ चैत ५ गते सचिवमा बढुवा भएका अधिकारीले झन्डै ३ वर्ष ४ महिना सचिव भएर काम गर्ने अवसर पाए । उनले सत्य निरुपण तथा मेलमिलाप आयोग र नेपाल कानुन आयोगमा सचिवको भूमिकामा काम गरे । यता लीलादेवी गड्तौला कामु सचिवका उक्लिएसँगै हाल कानुन आयोगका सहसचिव रहेका पाराश्वर ढुंगाना सचिव बन्ने लाइनमाछन् ।
अधिकारीले निकटवर्तीहरुसँग जागिर खाँदाखाँदा दिक्क लागेको बताउने गरेका थिए ।
बिज्ञापन
नेपाल कानुन समूहका ४ जना सचिव रहेका छन् । प्रधानमन्त्री तथा मन्त्रिपरिषद्को कार्यालयमा उक्त समूहकी गड्तौला,कानुन न्याय तथा संसदीय व्यवस्था मन्त्रालयमा फणीन्द्र गौतम र सत्य निरुपण तथा मेलमिलाप आयोगमा उदयराज सापकोटा सचिव रहेका छन् । नेपाल कानुन आयोगमा भने कानुन समूहका तोयानाथ अधिकारी सचिव थिए । अधिकारीले राजीनामा दिएपछि नेपाल कानुन आयोगमा सचिव खाली भएको छ ।
