बिज्ञापन

बिज्ञापन

पुष्पकमल दाहाल प्रचण्डले प्रतिनिधिसभाबाट विश्वासको मत नपाएर पदमुक्त भएपछि राष्ट्रपति रामचन्द्र पौडेलले आइतबार साँझ ५ बजेसम्म प्रधानमन्त्रीमा दाबी पेश गर्ने समय दिएका छन् ।

राष्ट्रपति कार्यालयले प्रकाशित गरेको आह्वान प्रस्तावको समय आइतबार साँझसम्मै रहेकाले सोमबार मात्र शपथ हुने भएको हो ।

आइतबार साँझ राष्ट्रपति रामचन्द्र पौडेलले ओलीलाई प्रधानमन्त्री नियुक्ति गर्नेछन् । सोमबार बिहान ११ बजे शपथ लिने तयारी छ । ओलीले भने आफू नियुक्त हुनेबित्तिकै कांग्रेस र एमालेका भागमा परेका सबै मन्त्रीलााई सोमबार नै शपथ ग्रहण गराउनेगरी तयारी थालेका छन्।

काँग्रेस र एमालेबीच भएको सहमति अनुुसार,काँग्रेसले गृहसहित १० र एमालेले अर्थसहित ९ वटा मन्त्रालय लिनेछन् । गृह, परराष्ट्र,उर्जा, शहरी विकास, स्वास्थ्य , संघीय मामिला तथा सामान्य प्रशासन, कृषि लगायतका मन्त्रालय काँग्रेसले लिनेछ भने अर्थ, भौतिक पूर्वाधार तथा यातायात, सञ्चार तथा सूचना प्रविधि, शिक्षा , उद्योग , कानुन , पर्यटन मन्त्रालय एमालेको भागमा पर्नेछ ।