नेपाली काँग्रेसका महामन्त्रीद्धय गगनकुमार थापा र विश्वप्रकाश शर्माले केपी शर्मा ओलीको क्याविनेटमा मन्त्री नबन्ने जनाएका छन् । कार्यक्रमको सिलसिलामा पूर्व पुगेको दुबै महामन्त्रीद्धयले फरक फरक कार्यक्रममा यस्तो बताएका हुन ।
बिज्ञापन
बिहीबार विराटनगर विमानस्थलमा सञ्चारकर्मीसँग कुरा गर्दै महामन्त्री गगन थापाले आफू महामन्त्रीको रुपमा पार्टीको कामका लागि व्यस्त हुने भएपछि मन्त्री नबन्ने जनाएका हुन् । उनले आफू महामन्त्रीकै रुपमा पार्टी कामलाई प्रभावकारी बनाएर अघि बढाउने पनि बताएका छन् ।
बिज्ञापन
यस्तै अर्काे महामन्त्री विश्वप्रकाश शर्माले नयाँ सरकारमा आफू नजाने बताएका छन्। निर्वाचन क्षेत्र झापा १ मा भएको अगुवा पार्टी कार्यकर्ताको भेलामा पुगेका थिए। सोही क्रममा उनले यस्तो बताएका हुन्।
दुई ठूला दल मिल्दा प्रतिपक्ष स्वर कमजोर हुन्छ भन्ने खालको वौद्धिक सर्कलको चासो र चिन्ता रहरेका कारण त्यसो हुन नदिन आफू सरकारमा नजाने उनले बताएका हुन्।
गगनले पनि विश्वप्रकाशले झैं धारणा राखेका छन् ।
