अख्तियार दुरुपयोग अनुसन्धान आयोगले पालिकाका तत्कालीन अध्यक्ष,उपाध्यक्ष,प्रमुख प्रशासकीय अधिकृतसहित १४ विरुद्ध भ्रष्टाचार मुद्धा दायर गरेको छ । अख्तियारले हुम्लाको सर्केगाड गाउँपालिकाका तत्कालीन अध्यक्ष कृष्ण रोकायाले आफ्नै नीजि फार्म कोइलिङ कृषि तथा पशुपालन फर्ममा बजेट विनियोजन गरेको पाइएको अख्तियारले आरोपपत्रमा उल्लेख छ ।
बिज्ञापन
उक्त फर्ममा ढुङ्गाको पर्खालबाट घेराबार गर्न उनले सहोदर दाजु हंश रोकायाको अध्यक्षतामा निर्माण समिति गठन गरेको, तत्कालीन अध्यक्षले आफ्नै श्रीमती सेतु रोकायालाई कोषाध्यक्ष र सचिवमा तुलराज रोकाया रहेको उपभोक्ता समिति गठन गराई योजना सञ्चालन गरेको पाइएको भन्दै अख्तियार विशेष अदालतमा पुगेको हो ।
बिज्ञापन
सार्वजनिक सम्पत्ति हानिनोक्सानी गरी भ्रष्टाचार गरेको आरोपमा अख्तियारले गाउँपालिकाका तत्कालीन अध्यक्ष रोकाया, उपाध्यक्ष धामी, तत्कालीन निमित्त प्रमुख प्रशासकीय अधिकृत रुद्रबहादुर शाही, इन्जिनियर रामराज शाही, सब ओभरसियर पदमबहादुर धामी, लेखापाल पूर्णप्रसाद आचार्यका अलवा योजना निर्माण उपभोक्ता समितिका अध्यक्ष हंश रोकाया, सचिव तुलराज रोकाया र कोषाध्यक्ष सेतु रोकायालाई प्रतिवादी बनाएर आइतबार विशेष अदालतमा मुद्धा चलाएको हो । उनीहरूविरुद्ध जनही १९ लाख ५० हजार रुपैयाँ बिगो कायम गरिएको छ ।
