नेपाल प्रहरीको केन्द्रीय अनुसन्धान ब्युरो (सीआईबी)ले पछिल्लोपटक भएको सुन तस्करीको अनुसन्धान सकिएको जनाएको छ । प्रहरीले यस अघि भएको ६० केजी सुन तस्करीमा पूर्व सभामुख कृष्णबहादुर महरा र दिपेश पुनको संलग्नता नदेखिएको जनाएको छ ।

बिज्ञापन

प्रहरीले ब्रेक सु र इलेक्ट्रोनिक सामानमा लुकाएर ३२ क्विन्टल सुन तस्करी भएको निष्कर्ष सीईबीले निकालेको छ । ५ वटा नक्कली कम्पनी खडा गरेर करिब ३२ सय केजी सुन तस्करी भएको बताएको छ । प्रहरीको केन्द्रीय अनुसन्धान ब्युरोले ५ वटा नक्कली कम्पनी खडा गरेर करिब ३२ सय केजी सुन तस्करी गरेको पत्ता लागेको बताएको हो ।

बिज्ञापन

सीआईबीले यो तस्करी प्रकरणमा २५ जनालाई पक्राउ गरेको र तीमध्ये २४ जना पूर्पक्षका लागि थुनामा रहेको जानकारीसमेत दिएको छ । तस्करीमा संलग्न केही व्यक्ति अझै फरार छन् ।सीआईबीले अनुसन्धानपछि विभिन्न आठ अभियोगमा ४६ जना विरुद्ध मुद्दा चलाउनुपर्ने राय दिएको छ। उनीहरु विरुद्ध सुन तस्करी, संगठित अपराध, नेपाल राष्ट्र बैङ्क ऐन, फौजदारी अपराध संहिता, हातहतियार खरखजाना, नागरिकता ऐन, राहदानी ऐन, सरकारी कागज किर्ते समेत आकर्षित हुने भएकाले उक्त अभियोग दाबी गरेर मुद्दा चलाउनुपर्ने राय सीआईबीको प्रतिवेदनले दिएको छ।

केन्द्रीय अनुसन्धान ब्युरोले भुजेल इलेक्ट्रिक सप्लायर्स प्रा.लि. बाट १ हजार ३ सय ३ दशमलव ९६५ केजी, ह्वाडा इलेक्ट्रिक सप्लायर्स प्रा. लि.बाट ६३२ दशमलव ७९५ केजी, चुंगाक इलेक्ट्रिक सप्लायर्स प्रा. लि.बाट ७१६ दशमलव ८३ केजी, दोलखा इलेक्ट्रिक सप्लायर्स प्रा. लि.बाट १७० दशमलव ८ र रेडि ट्रेड प्रा लिबाट ७ दशमलव ५ केजी सुन पैठारी भएको बताएको हो । सुन तस्करी गर्नकै लागि यी कम्पनी खोलिएको र सामान भित्र लुकाएर सुन ल्याइएको दाबी सीआईबीको छ ।