६ वटा बिषयमा अनियमिततामा डामिदा र भ्रष्टाचार मुद्धा चल्दा समेत राजीनामा नदिएका मुख्यसचिव बैकुण्ठ अर्यालका लागि विशेष दरबन्दी सृजना गरिएको छ । आज बसेको आकस्मिक बैठकले मुख्यसचिव बैकुण्ठ अर्यालका लागि विशेष दरबन्दी सृजना गरेको हो ।
बिज्ञापन
भ्रष्टाचार आरोपमा विशेष अदालतमा मुद्दा दर्ता भएपछि स्वतः निलम्बनमा परेका मुख्य सचिव बैकुण्ठ अर्याललाई राष्ट्रिय योजना आयोगमा सरूवा गरिएको छ ।आज बसेको क्याविनेट बैठकले विशेष पद सिर्जना गरेर उनलाई आयोगमा लैजाने निर्णय गरेको हो । सरकारले भ्रष्टचार मुद्धा चल्दैमा कोही दोषी प्रमाणित नहुने जिकिर गर्दै राष्ट्रिय योजना आयोगमा विशेष पद सिर्जना गरेर सरुवा गरिएको हो ।
बिज्ञापन
मुद्दा अवधिभर बैकुण्ठको पद स्वतः निलम्बनमा हुन्छ । यद्यपि रिक्त भएको अवस्था होइन । एकातिर बैकुण्ठ अर्याल निलम्बनको अवस्थामा छन्, अर्कोतिर पद रिक्त भएको छैन । त्यसैले कायम मुकायम गर्न वा रिकन्फर्म गर्न र अरू कुनै गर्नलाई पनि बाटो नखुल्ने भएको कारणले विशेष पद सिर्जना गरिएको सूचना तथा सञ्चार प्रविधि मन्त्री रेखा शर्माले बताएकी छिन् ।
आज बिहान बसेको क्याविनेट बैंठकले हाललाई राष्ट्रिय योजना आयोगमा राजपत्राङ्कित विशिष्ट श्रेणीको मुख्यसचिव सरहको विशेष पद सिर्जना गरी उहाँलाई उक्त पदमा सरुवा गर्ने निर्णय गरेको छ । यस्तै,अर्याल स्वत निलम्बित भएसँगै प्रधानमन्त्री तथा मन्त्रिपरिषद् कार्यालयकी सचिव लीलादेवी गड्तौला कामु मुख्य सचिवको भूमिकाको जिम्मेवारी दिइएको छ ।
बिज्ञापन
