गत सातादेखि आन्दोलनतरत संघीय संसद सेवामा कर्मचारीको सेवा सुविधा बढाउने बिषयमा तीन सदस्यीय समिति गठन भएको छ । कार्यालय समयभन्दा अगाडि वा पछाडि काम गरेको प्रोत्साहन भत्ता पाउनुपर्ने माग राख्दै गत साता देखि आन्दोलनरत संघीय संसद सेवाका कर्मचारीहरुको माग सम्बोधन गर्ने कानुन मन्त्री पदम गिरीको संयोजकत्वमा तीन सदस्यीय समिति गठन गरिएको हो ।
बिज्ञापन
प्रधानमन्त्री पुष्पकमल दाहाल प्रचण्डले आइतबार बिहान सभामुख देवराज घिमिरे, राष्ट्रिय सभाका अध्यक्ष नारायणप्रसाद दाहाल, पूर्वप्रधानमन्त्री एवं नेकपा एमालेका अध्यक्ष केपी शर्मा ओली, अर्थमन्त्री वर्षमान पुन, कानुन, न्याय मन्त्री पदम गिरी, मुख्य सचिव डा वैकुण्ठ अर्याल र संघीय संसदका महासचिप पद्मप्रसाद पाण्डेलाई बोलाएर छलफल गरेका थिए ।
बिज्ञापन
आन्दोलनरत कर्मचारीको माग सम्बोधन गर्न मन्त्री गिरीको संयोजकत्वमा तीन सदस्यीय सहजीकरण समिति गठन गरेको हो । समितिमा अर्थ मन्त्रालयका सचिव र संघीय संसदका महासचिव सदस्य छन् ।
संसद् सचिवालयका कर्मचारीहरू अतिरिक्त समयमा काम गरेको पारिश्रमिक, तलब भत्ता, आवास भत्ता, शैक्षिक भत्ता वृद्धि लगायतका ११ बुँदे माग राख्दै जेठ ३० गतेदेखि आन्दोलनमा छन् ।
बिज्ञापन
अतिरिक्त समय काम गरेको पारिश्रमिक नपाएको भन्दै सङ्घीय संसद्का कर्मचारीहरूले संसद बैठकमा ‘ब्ल्याक आउट’ गर्दा संसद् बैठक नै प्रभावित हुँदै आएको थियो ।
