हिजो बसेको क्याविनेटले विभिन्न नियुक्तिका निर्णयहरु गरेको छ । ८ देशका राजदुत,अवैतनिक वाणिज्यदूत,दुग्ध विकास वोर्ड र विद्युत नियमन आयोगहरुमा नियुक्तिको काम हिजैको क्याविनेटले टुंग्याएको छ ।
बिज्ञापन
रिक्त ११ मध्ये ८ देशका राजदूत सिफारिस हिजो टुंगिएको छ ।जसमा जसमा एमालेका ५, जनता समाजवादी पार्टी (जसपा)का २ र माओवादी केन्द्रबाट १ जना छन्।पूर्वमुख्यसचिव लोकदर्शन रेग्मीलाई भारतका लागि राजदूत सिफारिस गर्ने निर्णय गरिएको छ भने पूर्व सचिव चन्द्र घिमिरेलाई अमेरिका, दक्षिण कोरियाका लागि सुशील प्याकुरेल र डेनमार्कका लागि सुम्निमा तुलाधर राजदूत सिफारिस भएका छन् । यसैगरी डा विजन पन्त बेलायत, पुष्पराज राजकर्णिकार स्पेन, नेत्रप्रसाद तिमल्सेना मलेसिया र अबुसुफ्यान खान मुसलमान साउदी अरेबियाका लागि राजदूत सिफारिस गरिएको छ ।
बिज्ञापन
यस्का अलवा अष्ट्रेलियाको न्यू साउथ वेल्स राज्यको कार्यक्षेत्र रहनेगरी सञ्जीवकुमार शर्मा र अष्ट्रेलियाको भिक्टोरिया राज्य कार्यक्षेत्र रहनेगरी निराजन गौलीलाई अवैतनिक वाणिज्यदूत पदमा नियुक्त गर्ने निर्णय गरेको हो ।
सरकारले विश्व बैङ्कबाट उपलब्ध हुने ८० मिलियन डलरबराबरको सहुलियत ऋण सहायता स्वीकार गर्ने निर्णय समेत हिजैको क्याविनेटले गरेको छ ।
यस्का अलवा सरकारले राष्ट्रिय दुग्ध विकास बोर्डको कार्यकारी निर्देशक पदमा डा राजेन्द्रप्रसाद यादवलाई नियुक्त गरेको छ ।
यसैगरी प्रतिलिपि अधिकारसम्बन्धी विधेयक तर्जुमा गर्न सैद्धान्तिक स्वीकृति दिने निर्णयसमेत बैठकले गरेको छ । त्यसैगरी मन्त्रिपरिषद् बैठकले विद्युत् नियमन आयोगको अध्यक्षमा डा रामप्रसाद धिताल र सदस्यहरुमा मधुसूदन अधिकारी र झमकप्रसाद शर्मालाई नियुक्त गर्ने निर्णय समेत हिजोको क्याविनेटले गरेको छ ।
बिज्ञापन
