बिज्ञापन

बिज्ञापन

आजको क्याविनेट बैठक अघि हिजो प्रधानमन्त्री प्रचण्ड,उपप्रधानमन्त्री रवि लामिछाने र एमाले अध्यक्ष केपी शर्मा ओलीबीच भेटवार्ता भएको थियो । उक्त भेटले राजदूत नियुक्तिको भागवण्डा टुंग्याएको बताइएको छ । एमालेले ८, रास्वपाले २ र माओवादीले एक राजदूत पाउने बताइएको छ ।

गत २४ जेठमा बसेको क्याविनेटले भारत, अमेरिका, बेलायत, साउदी अरेबिया, दक्षिण कोरिया, मलेसिया, स्पेन, डेनमार्क, इजरायल, कतार र पोर्चुगल गरी ११ देशको राजदूत फिर्ता बोलाएपछि ती स्थानमा राजदूत नियुक्तिका लागि सिफारिस गर्न लागेको हो । एमालेले समय नपुगी काँग्रेस सरकारले फिर्ता बोलाएका पूर्व राजदूतहरु युवराज खतिवडा, लोकदर्शन रेग्मी, दावाफुटी शेर्पा,नारायण सङ्ग्रौला, उदयराज पाण्डे, शर्मिला पराजुली, निर्मल विश्वकर्मालगायतलाई राजदूत बनाउने तयारी छ । रास्वपाले भारत र अमेरिकामध्ये एक देशको राजदूत आफूले पाउनुपर्ने अडान राखेको छ ।

आजको क्याविनेटले राजदूत नियुक्ति टुंग्याउने बताइएको छ ।