लाङटाङ राष्ट्रिय निकुञ्जको हाकिम फेर्ने काँग्रेसको एउटा टोली अहिले सिंहदरबार धाइरहेको छ ।
बिज्ञापन
आर्थिक बर्षको अन्त्यमा हाकिमको सरुवा खोज्दै रसुवा काँग्रेसको एउटा टोली दैनिक सिंहदरबारदेखि राष्ट्रिय निकुञ्ज तथा वन्यजन्तु संरक्षण विभाग ववरमहल धाइरहेको हो ।
बिज्ञापन
काठमाडौंकै काँग्रेसका केही टोली बोकेर काँग्रेस निकट वार्डेन खोज्दै रसुवाका उत्तम थापाहरुको एउटा समूह दैनिक जसो वन तथा वातारण मन्त्रालय र विभाग धाइरहेका छन् । यसरी धाउनेमध्येका थापा लामटाङ राष्ट्रिय निकुञ्ज अन्तर्गत मध्यवर्ति व्यवस्थापन समितिको अध्यक्ष समेत हुन ।
त्यहाँका हाकिमसँग काँग्रेसीहरुको सम्बन्ध वैशाखदेखि विगिएको बताइन्छ । गत वैशाख दोश्रो सातामात्र काँग्रेसीको टोलीले त्यहाँका हाकिममाथि दुर्व्यवहार गरेका थिए भने कार्यालयको कुर्सी र टेबुल नै फुटाएको थियो । लारानीले वैशाखमा २९औं वन्यजन्तु सप्ताह तथा १२औं रेडपाण्डा ट्रफी कार्यक्रम लाङटाङ राष्ट्रिय निकुञ्ज, गोसाईकुण्ड गाउँपालिका र स्थानीय संघ–संस्थाहरु निर्णय अनुसार रसुवा जिल्लाको सदरमुकाम धुन्चेमा २०८१ वैशाख १ देखि ७ सम्म मनाएको थियो । उक्त वन्यजन्तु सप्ताह तथा रेडपाण्डा ट्रफी कार्यक्रम नेपाली कांग्रेस निकटको गैह्र सरकारी संस्था मार्फत गर्नुपर्ने भन्दै रसुवा कांग्रेशका नेताहरूले निकुञ्ज प्रशासनलाई दवाव दिएको र गैसस मार्फत गर्न नपाए पछि चिढिएका थिए ।
बिज्ञापन
सोही समूहले लारानीका बरिष्ठ संरक्षण अधिकृत अणनाथ बराललाई २४ घण्टाभित्र जिल्ला छाड्न धम्की नै दिएको थियो । अहिलेका हाकिमसँग सम्बन्ध विग्रिए पछि आफू अनुकुलको काँग्रेसी हाकिम खोज्दै थापा मन्त्रालय र विभाग धाइरहेका हुन ।
