भ्रष्टाचार मुद्धा लागेर तीन वटा नगरपालिकाको प्रमुख उपप्रमुख निलम्बनमा परेका छन् । यही महिनामात्र गोदावरी नगरपालिकाको मेयर गजेन्द्र महर्जन र उपमेयर मुना नेपालसहितका १४ विरुद्ध भ्रष्टाचार मुद्धा चलेर उनीहरु निलँम्बनमा छन् । यस्तै बाग्मती गाउँपालिकाको मेयर,उपमेयर नै भ्रष्टाचार मुद्धामा परेर निलम्बनमा परेका छन् । यस्तै महोत्तरीको जलेश्वर नगरपालिका प्रमुख र उपप्रमुख भ्रष्टाचार आरोपमा निलम्बनमा परेपछि तीन वटै नगरपालिका नेतृत्वविहीन रहँदा कार्यवाहक तोक्ने विषयमा बाँकी जनप्रतिनिधिबीच हानथाप चलेको हो ।

बिज्ञापन

यता पछिल्लो ११ महिनाको अवधिमा भ्रष्टाचार मुद्दा लागेर अहिले स्थानीय तहका २८ प्रमुख प्रशासकीय अधिकृत निलम्बनमा छन् । सामान्य प्रशसनका अनुसार यो आर्थिक बर्षको ११ महिनाको अवधिमा भ्रष्टाचार मुद्दा दायर भएपछि ४५ प्रमुख प्रशासकीय अधिकृत र ७६ अन्य तहका कर्मचारी निलम्बनमा परेका थिए । निलम्बित हुनेमा उपसचिव तहका प्रमुख प्रशासकीय १२ जना, शाखा अधिकृत तहका सातजना र निमित्त प्रमुख प्रशासकीय अधिकृत ११ जना थिए । त्यस्तै, तह नखुलेका प्रमुख प्रशासकीय अधिकृत १५ जना थिए ।