गत आर्थिक बर्षमा ७५३ वटा स्थानीय तहमध्ये पाँच वटा पालिकाको बेरुजु शून्य रहेको पाइएको छ । कार्यालयका अनुसार सातै प्रदेशका ७ सय ५३ स्थानीय तहमध्ये मध्ये ७ सय ४६ स्थानीय तहको लेखापरीक्षण गरिएकामा पाँच तहका शून्य बेरुजु देखिएको छ । एउटा स्थानीय तहको बेरुजु २५ प्रतिशतभन्दा बढी रहेको विवरण महालेखाले सार्वजनिक गरेको छ ।
बिज्ञापन
बेरुजु शून्य भएका पाँच पालिकामा बागमती प्रदेशका तीन र कोशी प्रदेशका दुईवटा पालिका रहेका छन् ।बागमती प्रदेश अन्तर्गत काभ्रेको महाभारत गाउँपालिका, ललितपुर जिल्लाको कोन्ज्योसोम गाउँपालिका र धादिङ्गको बेनीघाट रोराङ गाउँपालिका, कोशी प्रदेशको पाँचथरको याङवरक गाउँपालिका र ताप्लेजुङको पाथिभरा याङवरक गाउँपालिकामा शून्य बेरुजु रहेको छ ।
बिज्ञापन
यस्तै सिराहा जिल्लाको लक्ष्मीपुर पतारी गाउँपालिकाको २५ दशमलव ३५ प्रतिशत बेरुजु छ । लक्ष्मीपुर पतारी गाउँपालिका नेपालकै धेरै बेरुजु भएको स्थानीय तहमा पर्दछ । यस्तै रौतहट जिल्लाको बृन्द्रावन नगरपालिकामा ११ दशमलव ८४,राजपुर नगरपालिकाको १० दशमलव ५९, कटहरिया नगरपालिकाको १२ दशमलव ९२ प्रतिशत, गढीमाई नगरपालिकाकामा १२ दशमलव ६३ प्रतिशत बेरुजु छ । महोत्तरीको बलवा नगरपालिकाको ११ दशमलव ८५ प्रतिशत बेरुजु रहेको छ । महोत्तरीकै लोहरपट्टी नगरपालिकामा ११ दशमलव २३ प्रतिशत बेरुजु छ । सर्लाहीको चन्द्रनगर गाउँपालिकाको १० दशमलव ३० प्रतिशत बेरुजु छ । सिराहाको लहान नगरपालिकाको १२ दशमलव ७६ प्रतिशत बेरुजु छ । नवराजपुर गाउँपालिकाको ११ दशमलव २० प्रतिशत, भगवानपुर गाउँपालिकाको १० दशमलव ३० प्रतिशत बेरुजु छ ।
यस्तै बेरुजु कम भएका महानगरपालिका मध्ये भरतपुर महानगरपालिकाको ० दशमलव १ प्रतिशत बेरुजु रहेको छ । ललितपुर महानगरपालिकाको ० दशमलव ४६ प्रतिशत बेरुजु रहेको छ । विराटनगर महानगरपालिकाको १ दशमलव ०३ प्रतिशत बेरुजु रहेको छ ।
बिज्ञापन
