रसुवा जिल्लाका पाँच पालिकाहरु मध्ये सबैभन्दा बढी बेरुजु कालिका गाउँपालिमा भएको पाइएको छ । आर्थिक बर्ष ०७९/ ८० को लेखापरीक्षण प्रतिवेदन अनुसार कालिका गाउँपालिकामा सबैभन्दा बढी बेरुजु रहेको विवरण सार्वजनिक भएको हो । महालेखा परीक्षकको कार्यालयले सार्वजनिक गरेको ६१औँ बार्षिक प्रतिवेदन अनुसार कालिका गाउँपालिकाको बेरुजु ४ दशमलव २४ प्रतिशत रहेको पाइएको छ । उक्त पालिका अहिले रसुवाका सांसद मोहन आचार्यका उत्तराधिकारीका रुपमा हेरिएका हरिकृष्ण देवकोटाले कमाण्ड गरिरहेका छन् ।
विवरण अनुसार,रसुवाका पाँच पालिकामध्ये सबैभन्दा कम बेरुजु उत्तरगया गाउँपालिकामा रहेको विवरण उृक्त कार्यालयले सार्वजनिक गरेको छ । रसुवाका पाँच पालिकामध्ये उत्तरगया सबैभन्दा कम बेरुजु भेटिएको हो । उक्त पालिकाको बेरुजु रकम शून्य दशमलव ६० प्रतिशत रहेको छ । सो पालिका अहिले नेकपा एमालेका केन्द्रीय सदस्य माधव अर्यालले कमाण्ड गरिरहेका छन् । उपाध्यक्षमा दोश्रो पटक चमेली गुरुङ कुर्सीमा छिन् ।

बिज्ञापन

यस्तै आमाछोदिङ्मो गाउँपालिकाको बेरुजु ३ दशमलव ५३ प्रतिशत,नौकुण्ड गाउँपालिकाको २ दशमलव २३ र गोसाइकुण्ड गाउँपालिकाको बेरुजु १ दशमलव ८५ प्रतिशत रहेको महालेखाले जनाएको छ । विवरण अनुसार रसुवाका पाँच पालिकामध्ये सबैभन्दा कम बेरुजु उत्तरगया र सबैभन्दा धेरै बेरुजु कालिका गाउँपालिकामा रहेको भेटिएको हो ।