बिज्ञापन
नीति अनुसन्धान प्रतिष्ठानको कार्यकारी अध्यक्षमा प्रा डा लेखनाथ शर्मा नियुक्त भएका छन् ।६ महिनादेखि रिक्त रहेको नीति अनुसन्धान प्रतिष्ठानको कार्यकारी निर्देशकमा प्रा डा लेखनाथ शर्मा नियुक्त भएका छन् । राष्ट्रले अख्तियार गर्नुपर्ने नीतिका सम्बन्धमा अध्ययन, अनुसन्धान गरी सिफारिस गर्ने थिंकट्यांक (विशेषज्ञ समूह) संस्था नीति अनुसन्धान प्रतिष्ठान गत फागुनदेखि नै रिक्त रहेकोमा ६ महिना पछि बल्ल नेतृत्व पाएको हो ।तीनवर्षे कार्यकाल सकेर अघिल्ला कार्यकारी अध्यक्ष डा विष्णुराज उप्रेती गत वर्ष १९ फागुनगतेदेखिद बिदामा बसेदेखि उक्त संस्था नेतृत्वविहिन अबस्थामा थियो ।
बिज्ञापन
बिहीबार बसेको मन्त्रिपरिषद बैठकले सरकारी थिंकट्यांकको रुपमा स्थापना गरिएको उक्त प्रतिष्ठानमा शर्मालाई नियुक्तिको निर्णय गरेको हो । यस अघि खुला विश्वविद्यालयका उपकुलपति चलाइसकेका शर्मालाई आज बसेको क्याविनेटले थिंक ट्यांकको कार्यकारी निर्देशकमा नियुक्त गरेको हो ।
प्रतिष्ठानमा अझैं अनुसन्धानकर्ता र सहअनुसन्धानकर्ताको दुई–दुईजनाको दरबन्दी खाली छ । प्रतिष्ठानमा वरिष्ठ अनुसन्धानकर्ता, अनुसन्धानकर्ता र सहअनुसन्धानकर्ता ६–६ जना र विश्लेषक चारजनाको दरबन्दी छ । त्यस्तै, प्रशासनतर्फका दुई वरिष्ठ सहायकको पनि दरबन्दी खाली छ ।
बिज्ञापन
