प्रधानमन्त्री तथा मन्त्रिपरिषद् कार्यालयका सचिव कृष्णहरि पुष्कर अनुगमनका लागि भन्दै राजश्व अनुसन्धान विभागमा पुगेका छन् । उनी दिँउसो १ बजेतिर अनुगमनका लागि भन्दै राजश्व अनुसन्धान विभाग,पुल्चोकमा पुगेका हुन ।
बिज्ञापन
राजश्व अनुसन्धान विभाग अहिले प्रधानमन्त्री तथा मन्त्रिपरिषद्को कार्यालय मातहत रहेको छ । उक्त विभाग हेर्ने जिम्मेवारी अहिले कृष्णहरि पुष्करको काँधमा छ । उनी अनुगमनका लागि भन्दै विभागमा पुगेका हुन ।यस अघि अर्थ मन्त्रालय मातहत रहेको विभाग अहिले प्रधानमन्त्री तथा मन्त्रिपरिषद् कार्यालय मातहतमा छ । त्यहाँका डिजी नवराज ढुंङ्गना हालैमात्र सरुवा भएर परराष्ट्रमा पुगेका छन् भने विभागको नयाँ डिजीका रुपमा चक्र बूढा भित्रिएका छन् ।
बिज्ञापन
विभागका अधिकारीहरुका अनुसार,यहाँ पहिलो पटक सचिवले पाइला टेकेका हुन । यस अघि कुनै पनि सचिव विभागमा पुगेका थिएनन् । मातहतका कार्यालय कसरी चलिरहेको छ । विभागका समस्या के कस्ता छन् भन्ने बुझ्नका लागि सचिव पुष्कर पुल्चोक पुगेका हुन ।
सात जना निर्देशकको दरबन्दी रहेको विभागमा तीन निर्देशक रिक्त रहेको छ । १२ महिनादेखि उपमहानिर्देशक पदपूर्ति हुन सकेको छैन ।
