उपप्रधानमन्त्री एवं स्वास्थ्य तथा जनसंख्यामन्त्री उपेन्द्र यादव खल्तीमा राजीनामा बुझाएका छन् । पछिल्लो राजनीतिक घटनाक्रमका कारण उनले राजीनामा बुझाएका हुन । १२ सिटे जसपा फुटेर सात सांसद अशोक राईको साथ लागेपछि उपेन्द्र सरकारबाट बाहिरिएका हुन । यस्तै वन तथा वातावरण राज्यमन्त्री दीपक कार्कीले पनि राजीनामा दिएका छन् ।
बिज्ञापन
उनले बुझाएको राजीनामा पत्रमा भनिएको छ,पछिल्लो विकशित राजनीतिक घटनाक्रमका कारण सरकारमै रहेर सहकार्यलाई निरन्तरता दिन नसकिने हुँदा उक्त जिम्मेवारीबाट राजीनामा दिन चाहन्छु । उपेन्द्रले सरकार छाडे लगतै लोसपा र जनमत सरकारमा सामेल हुने सम्भवना रहेको छ । रञ्जितालाई स्वास्थ्य मन्त्रालय दिने या पुरानै भूमि व्यवस्था, सहकारी तथा गरिबी निवारण मन्त्रालयमा पठाउनेबारे छलफल चलिरहेको छ । बलराम अधिकारी अहिले भूमि मन्त्री छन्,उनलाई स्वास्थ्यमा पठाएर रञ्जितालाई भूमि मन्त्रालय दिने बिषयमा समेत छलफल चलिरहेको बताइएको छ ।
यता माधवकुमार नेपाल नेतृत्वको नेकपा एकीकृत समाजवादी पनि अहिले नै सरकार छाड्ने योजनामा छैन । कोशी प्रदेश सरकारलाई विश्वासको मत दिने नेकपा एसले जनाइसकेको छ ।
