गृह मन्त्रालयले ७ उपसचिवहरुको सरुवा गरेको छ । जसमा ६ जिल्लाका सहायक प्रमुख जिल्ला अधिकारीहरु हेरफेर गरेको छ । एक जना उपसचिवलाई भने गृहले इलाका प्रशासन कार्यालय झापामा खटाएको छ ।गृहका अनुसार तीन जना कर्मचारीको पदस्थापन र बाँकी ४ को सरुवा गरिएको हो ।
बिज्ञापन
सूची अनुसार, मकवानपुरका सहायक प्रमुख जिल्ला अधिकारी झरेन्द्रप्रसाद चापागाईलाई इलाका प्रशासन कार्यालय दमक, झापामा कार्यालय प्रमुखको जिम्मेवारीमा सरुवा गरेको छ भने रौतहटका सहायक प्रमुख जिल्ला अधिकारी उत्तमकुमार घिमिरेलाई पर्साको सहायक प्रमुख जिल्ला अधिकारीको जिम्मेवारी दिएको छ ।
बिज्ञापन
यस्तै सिरहाका सहायक प्रमुख जिल्ला अधिकारी नरेशकुमार यादवलाई रौतहटको सहायक प्रमुख जिल्ला अधिकारीको जिम्मेवारी दिएको छ भने मोरङका सहायक प्रमुख जिल्ला अधिकारी महेशराज तिम्सिनालाई इलामको सहायक प्रमुख जिल्ला अधिकारीको जिम्मेवारी दिएको छ ।
मन्त्रालयले लोकमान श्रेष्ठलाई मकवानपुर, भीमराज कोइरालालाई सिरहा, जितेन्द्रकुमार यादवलाई सप्तरीमा सहायक प्रमुख जिल्ला अधिकारी पदमा पदस्थापन गरेको छ ।
बिज्ञापन
