संघीय मामिला तथा सामान्य प्रशासन मन्त्रालयले ५ उपसचिवको सरुवा गरेको छ । मन्त्रालयको सोमबारको निर्णय अनुसार कर्मचारी समायेजन ऐन ०७५ अनुसार खटिएकै स्थानीय तहबाट तलब खाने गरी ५ उपसचिवको सरुवा गरिएको जनाइएको छ ।
बिज्ञापन
सरुवाको सुचस्ी अनुसार गोकर्णेश्वर नगरपालिकाका प्रमुख प्रशासकीय अधिकृत टेकराज पन्थीलाई जनकपुरधाम उपमहानगरपालिकाको प्रमुख प्रशासकीय अधिकृतमा खटाएको छ । सो पालिकामा प्रमुख प्रशासकीय अधिकृतका रुपमा कार्यरत सुमन कुमार कार्कीलाई कमलामाई नगरपालिकामा पठाइएको छ ।
बिज्ञापन
यस्तै उपसचिव राजमणि निरौलालाई कटारी नगरपालिका, उदयपुरको प्रमुख प्रशासकीय अधिकृतको जिम्मेवारी दिएर खटाइएको छ भने राजापुर नगरपालिकाका प्रमुख प्रशासकीय अधिकृतका रुपमा कार्यरत महेन्द्र जङ्ग शाहीलाई मुख्यमन्त्री तथा मन्त्रिपरिषद्को कार्यालय वा अन्तर्गत कर्णाली प्रदेशमा खटाइएको छ ।
यस्तै मन्त्रालयले शाहीको ठाउँमा युवा तथा खेलकुद मन्त्रालयका उपसचिव दशरथ बुढालाई खटाएको छ ।
