नेपालको सूचना प्रविधि क्षेत्रका खलनायकका रुपमा चिनिएका विकल पौडेल तथा सुनिल पौडेल अहिले अख्तियारको हिरासतमा छन् । शुक्रवारमात्र नेपाल टेलिकमका निलम्बित प्रबन्ध निर्देशक सुनिल पौडेललाई विशेष अदालतले नेशनल पेमेन्ट गेटवेको भ्रष्टाचार मुद्धामा दोषी ठहर गरेको छ । विशेषले नेशनल पेमेन्ट गेटवे प्रकरणमा मुछिएका ९ मध्ये सुनिल पौडेललाई भ्रष्टाचारी ठहर गरेको थियो । विशेषबाट यस्तो फैसला आएको तेस्रो दिन विकल पौडेलमाथि भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले उनीविरुद्ध आफ्नो ओहोदा ढाँटेर सार्वजनिक पद लिएको आरोपमा आइतबार विशेषमा मुद्दा दायर गरेको हो । अमेरिकाको कानुनी स्थायी आवासीय अनुमतिपत्र लिएका विकललाई उक्त कुरा ढाँटेर सार्वजनिक पदमा नियुक्ति खाएको पाइएपछि अख्तियारले भ्रष्टाचार मुद्दा दायर गरेको हो ।
बिज्ञापन
आइटीका डन मानिएका सुरक्षित मुद्रण केन्द्रका कार्यकारी निर्देशक विकल पौडेललाई अख्तियार दुरुपयोग अनुसन्धान आयोगले फेरि अर्काे मुद्धा दायर गरेको हो । यस अघि गैरकानूनी रुपमा सम्पत्ति आर्जन गरी भ्रष्टाचार गरेकोसम्बन्धी मुद्दाको अनुसन्धानका लागि उनीहरुलाई अख्तियारको हिरासतमा छन् । उनीहरुमाथि नेपाल राष्ट्र बैंकको स्वीकृतिबिना विदेशी बैंकमा रकम जम्मा गरेको, सरकारी सेवामा कार्यरत रहँदाकै अवस्थामा अन्तर्राष्ट्रिय परामर्शदाताको पदमा औपचारिक रुपमा नियुक्ति लिएको आरोप लागेको छ ।
बिज्ञापन
त्यस्तै, विकल पौडेलको हकमा उनले संयुक्त राज्य अमेरिकाको स्थायी आवासीय अनुमति (पीआर) समेत लिएको देखिएसँगै पौडेललाई विशेष अदालतमा मुद्धा दायर गरेको हो । यिनै विकलसँग अनुचित लेनदेनमा मुख्यसचिव बैकुण्ठ अर्याल जोडिएको प्रमाणसमेत सार्वजनिक हुँदा समेत अर्याललाई भने अख्तियारले सुन पानी छर्किदै आएको छ ।
राज्य सत्तालाई प्रभावमा पारेर सूचना प्रविधि क्षेत्रमा हालीमुहाली गर्दै आएका यी दुई यसअघि पनि भ्रष्टाचार मुद्दा खेपिसकेका पात्र हुन् ।
