बिज्ञापन

बिज्ञापन

जसअनुसार,विश्वको सर्वोच्च शिखर सगरमाथाको आरोहणका लागि २२ समूहका २ सय ३४ जनाले अनुमति लिएका छन् । यसरी अनुमति लिनेमध्ये ४२ महिला र १९२ पुरुष छन् ।

पर्यटन विभागका अनुसार सगरमाथाबाट मात्र सरकारलाई ३३ करोड २७ लाख ३७ हजार रुपैयाँ राजस्व प्राप्त सङ्कलन भएको छ। अनुमति लिनेमध्ये सबैभन्दा धेरैले सगरमाथा आरोहणका लागि अनुमति लिएका छन् भने दोश्रोमा अमादब्लम (६८१४ मिटर)का लागि ६ समूहका ६६ जनाले अनुमति लिएका छन्।

यस्तै मकालु (८४६३ मिटर) को लागि चार समूह का ४५ जनाले अनुमति लिएका छन्। चौथोमा लोत्से (८५१६ मिटर) को लागि ४ समूहका ४० जनाले अनुमति लिएका छन् ।

आरोहण अनुमति लिनेमा संयुक्त राज्य अमेरिकाका ४८, चिनियाँ २५, जापानी १८, बेलायती १६, रसियाली १६, पोलिस ९, अस्ट्रेलियाली ९ जना छन् । यी मुलुकबाहेक अन्य ३५ मुलुकबाट न्यूनतम १ देखि अधिकतम ६ जनासम्म आरोहीहरू नेपाल आएका छन् । त्यसैगरी नेपालबाट हालसम्म ७ जनाले आरोहण अनुमति लिएको विभागले जनाएको छ ।