मर्यादाक्रमको बिषयमा कुरा नमिल्दा उपेन्द्र यादवको सत्तारोहण यात्रा लम्बिरहेको छ । अहिले मर्यादाक्रममा प्रधानमन्त्री प्रचण्डपछिको रघुविर महासेठलाई राखिएको छ । त्यसपछि अर्का उपप्रधान एवम् परराष्ट्र मन्त्री नारायणकाजी श्रेष्ठको वरीयता रहँदा अर्का उपप्रधान तथा गृहमन्त्री रवि लामिछानेको चौथो परीयता रहेको छ ।
बिज्ञापन
जसपाबाट दुई मन्त्री र एक राज्यमन्त्रीसहित सरकारमा सहभागिता जनाउने भनिए पनि मर्यादाक्रमका कारण उपेन्द्रले किचलो निकालिरहेका छन् । उपेन्द्रले मन्त्रीहरुको वरियतामा रघुवीर महासेठभन्दा आफूलाई माथि रहनुपर्ने अडान लिएपछि प्रधानमन्त्री प्रचण्ड नै अप्ठेरोमा परेका छन् । तर, एमाले अध्यक्ष ओली उपेन्द्रको मागमा सकरात्मक छैनन् ।
बिज्ञापन
क्याबिनेटमा अहिले नै तीन उपप्रधानमन्त्री छन् । रघुवीर, नारायणकाजी श्रेष्ठ र रवि लामिछानेको क्रमशस् पहिलो दोस्रो र तेस्रो वरीयता तोकिएको छ । दलीय हैसियतका आधारमा उपप्रधानमन्त्रीको वरीयता तय गरिएकाले यौटै पार्टीमा हुँदा नारायणकाजी भन्दा निकै तल रहेका रघुवीर क्याबिनेटमा भने माथि परेका हुन् । तत्कालीन नेकपामा नारायणकाजी सचिवालय सदस्य रहँदा रघुवीर केन्द्रीय सदस्य मात्रै थिए ।माग सम्बोधन नभएको खण्डमा उपेन्द्र आफ्नै नेतृत्वमा सरकारमा सहभागि हुन्छन् वा अरुलाई पठाउँछन्,हेर्न बाँकी छ । यस अघि पार्टीका अध्यक्ष उपेन्द्र यादब र नवलकिशोर साह मन्त्री बन्ने निर्णय भइसकेको छ। साथै, दीपक कार्की राज्यमन्त्री हुनेछन् । उपेन्द्र यादबलाई उपप्रधानसहित स्वास्थ्य मन्त्रालयको जिम्मेवारी दिन लागिएको छ । साह वनमन्त्री बन्नेछन् ।बाँकी रहने राज्यमन्त्री पद नेकपा एमाले र माओवादीले बाँडेर लिने तय भएको छ ।
